Dim Sum ကိုယ်တိုင်ပေါင်းစားမယ်

အဆာပြုလုပ်ပုံ

1. ဇလုံတစ်လုံးထဲမှာ ပုစွန် ၁၀ ကောင်၊ ဆား၊ ငရုတ်ကောင်း တို့ကိုရောနယ်ပေးပါ။ ဝါးလိုက်ရင်ထုပ်ထုပ်လေးနဲ့စားကောင်းစေဖို့ အဖုံးအုပ်ပြီး ရေခဲသေတ္တာထဲမှာ တစ်နာရီခန့်ထားပေးပါ။

2. ကျန်တဲ့ ပုစွန် ၁၀ ကောင်ကိုတော့ နုတ်နုတ်စင်းပေးလိုက်ပါ။ ပန်းကန်လုံးထဲထည့်ပြီး တူနဲ့စေးစေးလေးဖြစ်လာအောင် မွှေပါမယ်။ ဘယ်ဆိုဘယ်၊ ညာဆိုညာ Direction တစ်ဖက်တည်းသုံးပြီး မွှေဖို့လိုပါတယ်နော်။

3. စင်းပြီးမွှေထားတဲ့ပုစွန်ထဲကို နှမ်းဆီ၊ မှို ၊ ခရုဆီ ၊ ချင်း ၊ သကြား ၊ ခနောကြက်သားမှုန့် ၊ ဟင်းသီးဟင်းရွက်ဆီတို့ထည့်ကာ သမအောင်နယ်ထားပေးပါ။

ဒင်ဆန်းရွက်ပြုလုပ်ပုံ

1. ဒင်ဆန်းရွက်ပြုလုပ်ဖို့အတွက် ပန်းကန်လုံးထဲကို ဂျုံမှုန့်၊ပြောင်းဖူးမှုန့် ထည့်ကာတူနဲ့သမအောင်မွှေပါ။ ပြီးရင် ရေနွေးထည့်ပြီး မြန်မြန်သွက်သွက်လေး သမအောင်မွှေပေးပါ။ ဟင်းသီးဟင်းရွက်ဆီ တစ်ဇွန်းထည့်မွှေပါ။ ပြီးရင်တော့ လက်နဲ့သေသေချာချာနယ်ပေးလိုက်ပါ။ မုန့်နှစ်ကိုခပ်ရှည်ရှည်လေးအချောင်းနှစ်ခုပြုလုပ်ပြီး အပိုင်း ၁၀ ပိုင်းညီညီမျှမျှပိုင်းကာ ရေစွတ်ထားတဲ့တစ်ရှူးလေးနဲ့ဖုံးထားပေးပါ။

2. မုန့်နှစ်တစ်ပိုင်းကိုယူပြီး ဂျုံလှိမ့်တုံးနဲ့ လှိမ့်ကာ ဒင်ဆန်းရွက်အဝိုင်းပြားလေးရအောင်ပြုလုပ်ပေးပါ။

ထုပ်ပိုးပုံ

1. ဒင်းဆန်းရွက်ထဲကို အဆာ စားပွဲတင်ဇွန်း ၁ ဇွန်း၊ ပုစွန် ၁ ကောင်ထည့်ပါ။ ဒင်ဆန်းရွက် အနားလေးတွေကို တွန့်တွန့်လေးခေါက်သွားပြီး နောက်ဆုံးပူးပြီးပိတ်လိုက်ပါ။

2. ဒင်းဆန်းဗန်းပေါ်ကို ဘရပ်ရှ်အသုံးပြုကာဆီပါးပါးသုတ်ပါ။ (မုန့်တွေမကပ်စေဖို့ ဖြစ်ပါတယ်)။ ပြီးရင်တော့ မုန့်တွေကိုဆံ့သလောက်စီထည့်ပြီး မီးပြင်းပြင်း၊ ရေဆူဆူမှာ ၆ မိနစ်ခန့် ပေါင်းပေးလိုက်ပါ။ ခုဆိုရင်တော့ လတ်ဆတ်သန့်ရှင်းပြီး အရသာရှိလှတဲ့ ပုစွန်နိုင်လွန်ဒင်းဆန်းကို တဝကြီးသုံးဆောင်နိုင်ပါပြီနော်။