အိအိစိမ့်စိမ့်ပြောင်းဖူးကြက်ဥကြော်လေး

ပထမဆုံး အိုးမကပ်တဲ့ ဒယ်အိုးထဲ ထောပတ်ရည်ထည့်ပြီး အပူပေးထားပါမယ်။

ထောပတ်ရည်ပူလာတာနဲ့ ကြက်သွန်နီလှီးပြီးသား ထည့်လှိမ့်ပြီး ပြောင်းဖူးပါ ထည့်ပါမယ်။

ပြီးတာနဲ့ သကြားနဲ့ ခနောကြက်သားမှုန့်တို့ကို ထည့်မွှေပါမယ်။

မွှေနေရင်း ပြောင်းဖူးအနှစ်စေးကပ်ကပ်ဖြစ်လာပြီဆိုမှ ကြက်ဥကို အိုးအလယ်မှာ ဖောက်ထည့်ပြီး မွှေပါမယ်။

ကြက်ဥနဲ့ ပြောင်းဖူးရောသွားမှ နောက်ဆုံးနို့စိမ်းကို ဒယ်အိုးထဲထည့်မွှေပြီး နို့စိမ်းခမ်းချိန်မှာ ခပ်စေးစေးဖြစ်နေတဲ့ ပြောင်းဖူးကြက်ဥကြော်လေးကိုပန်းကန်ထဲထည့်ပြီး ထမင်းနဲ့ အရသာရှိရှိစားနိုင်ပါပြီ။