အိမ်ကြော် ခေါက်ဆွဲကြော်လေး ကြော်စားကြစို့

မီးအသင့်အတင့်နဲ့ အပူပေးထားတဲ့ ဒယ်အိုးထဲကို ဆီအနည်းငယ်ထည့်ပြီး ခလောက်ထားတဲ့ ကြက်ဥနှစ်လုံးထည့်ကြော်ကာ သက်သက် ဖယ်ထားပေးပါ။

ဆီ ၅ ကျပ်သားကို အပူပေးပြီး ကြက်သွန်ဖြူအရင်ဆီသတ်ပါ၊ ပြီးရင် တုံးထားတဲ့ ကြက်သားနဲ့ ကြက်အသည်းအမြစ်ကိုထည့်၊ ခနောကြက်သားမှုန့် လက်ဖက်ရည်ဇွန်းတစ်ဝက်ခန့်နဲ့ ငရုတ်ကောင်းမှုန့်ထည့်ပြီး ခဏကြော်ပါ။

ပြီးရင် အိုးထဲကို လှီးထားတဲ့ ဂေါ်ဖီ၊ မုန်လာဥနီ၊ ရွှေပဲသီးနဲ့ ဘိုစားပဲထည့်ကာ ပဲငံပြာရည်၊သကြား၊ဆား၊ခနောကြက်သားမှုန့် လက်ဖက်ရည်ဇွန်း ၁ ဇွန်းတို့ထည့်ကာ အစိမ်းနံ့ပျောက်အောင် မွှေကြော်ပါ။

အသီးအရွက်တွေ မွှေးလာရင် ပြုတ်ထားတဲ့ ခေါက်ဆွဲကိုထည့်၊ အသီးအရွက်နဲ့ သမအောင် မွှေပါ။ ကြက်ပြုတ်ရည်ကို လောင်းထည့်ပြီး ဆက်ကြော်ပေးပါ။

၃ မိနစ်လောက်ကြာရင် အိုးမှ ချပြီး ကြော်ထားတဲ့ ကြက်ဥကို ညှပ်ကာ ခေါက်ဆွဲကြော်အပေါ်မှ ဖြူးပြီး တရုတ်ခေါက်ဆွဲကြော်မွှေးမွှေးလေး သုံးဆောင်နိုင်ပါပြီ။