အားရှိစေမယ့် ဟင်းတစ်ခွက် ဆိတ်နံရိုးနှင့်ပဲဟင်း

ဆိတ်နံရိုးကို ခနောကြက်သားမှုန့်း၊ နနွင်းမှုန့် ၊ ဇီယာမှုန့်၊ ဒိန်ချဉ်တို့ဖြင့် အရသာသွင်းထားပြီး မိနစ် ၂၀ ခန့်နှပ်ထားပါ။

ကုလားပဲခြမ်းကို နနွင်းမှုန့်၊ ချင်း ၊ ကြက်သွန်ဖြူ ၊ ခနော ကြက်သားမှုန့်၊ ပဲနံ့သာ ၊ မုန်ညှင်းစေ့ ၊ ရေသန့် (၁) လီတာတို့နှင့် နူးအောင်ပြုတ်ထားပါ။

အသင့်အရသာသွင်းထားသော ဆိတ်နံရိုး ကို စပါးလင် ၊ ချင်း ၊ လေးညှင်းပွင့် ၊ ဖာလာစေ့ ၊ နာနတ်ပွင့်တို့နဲ့ ရေသန့် ၄ လီတာခန့်ထည့်ပြီး နူးအောင်ပြုတ်ထားပါ။

ငရုပ်ခြောက် ၊ ချင်း ၊ ကြက်သွန်ဖြူ ၊ ကြက်သွန်နီတို့ကို ကျေညက်အောင်ထောင်းပြီး ဟင်းအနှစ်လုပ်ထားပါ။

ဒယ်အိုးတစ်လုံးတွင် ပဲဆီသန့်ကိုအပူပေးပြီး နနွင်းမှုန့်၊ လေးညှင်းပွင့်၊ ဖာလာစေ့ ၊ နာနတ်ပွင့် ၊ ကရဝေးရွက် ၊ သစ်ဂျပိုးခေါက်၊ စပါးလင် ၊ ပျဉ်းတော်သိမ်းရွက်တို့ကိုဆီသတ်ပါ။

ဟင်းခတ်အမွှေးအကြိုင်များ ဆီသတ်ပြီးတာနဲ့ အသင့်ထောင်းထားသော ငရုပ်သီးအနှစ်၊ ဒိန်ချဉ် အနည်းငယ်ကိုထည့်ချက်ပေးပါ။

ဆိတ်နံရိုးနူးရင် အာလူး၊ အသင့်ပြုတ်ထားသော ကုလားပဲနဲ့ အသင့်ချက်ထားသော ငရုပ်သီးအနှစ်တို့ကိုပါ ထည့်ချက်ပေးပါ။

ဆိတ်နံရိုး ၊ အာလူးနဲ့ ကုလားပဲများနူးရင် မန်းကျည်းမှည့်အနှစ် အနည်းငယ်၊ ဆား၊ ငရုပ်ကောင်းမှုန့်၊ ခနော ကြက်သားမှုန့်၊ ဇီယာမှုန့်တို့နဲ့ အရသာထိန်းညှိပြီးတည်ခင်းနိုင်ပါတယ်။