အာဟာရရှိပြီး ခံတွင်းမြိန်စေမယ့် ပဲကြီးနှပ်

အာဟာရရှိပြီး ခံတွင်းမြိန်စေမယ့် ပဲကြီးနှပ်

30 မိနစ်

3 ဦးစာ

အလယ်အလတ်

အခုတစ်ခေါက်မှာတော့ လူတိုင်းကြိုက်တဲ့ အရံဟင်းလေးဖြစ်တဲ့ ပဲကြီးနှပ်ဟင်းချက်နည်းလေးကို တင်ဆက်ပေးလိုက်ပါတယ်နော်။ အာဟာရနဲ့လဲ ပြည့်စုံတဲ့ အတွက်ကြောင့် ကျန်းမာရေးအတွက် မဖြစ်မနေစားသင့်တဲ့ ဟင်းလျာလေးတစ်မျိုးလဲ ဖြစ်ပါတယ်။

ပါဝင်ပစ္စည်းများ

  • ပဲကြီး ၁၀ ကျပ်သား
  • ပုဇွန်ခြောက် ထမင်းစားဇွန်း ၁ ဇွန်း
  • ကြက်သွန်နီ ၂ လုံး
  • ကြက်သွန်ဖြူ ၅ မွှာ
  • ချင်း အနည်းငယ်
  • နနွင်းမှုန့် လက်ဖက်စားဇွန်း ၁ ဇွန်း
  • ခနောကြက်သားမှုန့် လက်ဖက်စားဇွန်း ၂ ဇွန်း
  • ပဲဆီ ထမင်းစားဇွန်း ၂ ဇွန်း
  • ငရုတ်ကောင်းမှုန့် အနည်းငယ်
  • နံနံပင် အနည်းငယ်
  • ရေသန့် ဝ.၅ လီတာ

ချက်ပြုတ်ပြင်ဆင်ပုံ

  1. အရင်ဦးဆုံး ပဲကြီးစေ့လေးတွေကို ရေစိမ်ထားပြီး အခွံခွာထားပေးပါ။

  2. ဆီသတ်ဖို့အတွက် ကြက်သွန်နီ၊ ကြက်သွန်ဖြူနဲ့ ချင်းတွေကို ထောင်းထားပေးပါနော်။

  3. ဆီအိုးကို အပူပေးပြီး ထောင်းထားတဲ့ ကြက်သွန်နီ၊ ကြက်သွန်ဖြူနဲ့ ချင်းတွေကို ဆီသတ်ပေးပါ။

  4. ကြက်သွန်လေးတွေ နွမ်းလာရင်တော့ အသင့်ပြင်ထားတဲ့ ပဲကြီးစေ့လေးတွေကို ထည့်ချက်ပြီး အသာအယာမွှေပေးပါနော်။

  5. ပဲကြီးစေ့လေးတွေ အနည်းငယ်နူးလာရင်တော့ ပုဇွန်ခြောက်၊ ငရုတ်ကောင်းမှုန့်၊ ခနောကြက်သားမှုန့်နဲ့ ရေသန့်အနည်းငယ်တို့ထည့်ပြီး အရသာသွင်းကာ မီးအေးအေးနဲ့ ချက်ပေးရပါမယ်။

  6. ပဲကြီးစေ့လေးတွေ နူးပြီး ဆီပြန်လာရင်တော့ ငရုတ်သီးစိမ်း၊ နံနံပင်လေးဖြူးကာ မြိန်ရည်လျက်ရည် သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent