အာဟာရပြည့် ရွှေဖရုံသီး သီးနှံစုံ ဆန်ပြုတ်

အာဟာရပြည့် ရွှေဖရုံသီး သီးနှံစုံ ဆန်ပြုတ်

15 မိနစ်

1 ဦးစာ

လွယ်သော

ဒီတစ်ခေါက်တော့ ဗီတာမင် C၊ ဗီတာမင် A စတဲ့ ဗီတာမင်တွေ ကြွယ်ဝစွာ ပါဝင်ပြီး မိသားစု ကျန်းမာရေးကို အထောက်အကူပေးနိုင်တဲ့ ရွှေဖရုံသီးသီးနှံစုံဆန်ပြုတ်လုပ်နည်းလေးကို ပြောပြပေးချင်ပါတယ်။ ရွှေဖရုံသီးအနှစ်နဲ့ ပြုတ်ထားတဲ့ ဆန်ပြုတ်ကိုမှ အေးအေးလေး ထားပြီး စားရတာမို့ နွေရာသီနဲ့လည်း လိုက်ဖက်တဲ့ ရွှေဖရုံသီး သီးနှံစုံဆန်ပြုတ်လေးကို ခနောဆန်ပြုတ်ထုပ်လေးနဲ့ ဘယ်လို ချက်တယ်ဆိုတာ ကြည့်လိုက်ကြစို့နော်။

ပါဝင်ပစ္စည်းများ

  • ခနောဆန်ပြုတ် ၁ ထုပ်
  • ရေ ၂၅၀ မီလီလီတာ
  • ရွှေဖရုံသီး ၁၅၀ ဂရမ်
  • စတော်ဘယ်ရီသီး ၁ လုံး
  • ပန်းသီးအနီ ၁ လုံး
  • ပဲစိမ်းကြော် အနည်းငယ်
  • သီဟိုဠ်စေ့ အနည်းငယ်
  • ငှက်ပျောသီး ၁ လုံး

ချက်ပြုတ်ပြင်ဆင်ပုံ

  1. ရွှေဖရုံသီး ၁၅၀ ဂရမ်ကို နူးအောင် ပြုတ်ပြီး အနှစ်ရအောင် ကြိတ်ထားပါ။

  2. အိုးထဲမှာ ခနောဆန်ပြုတ်မှုန့်ကို ထည့်ပြီး ရေ ၂၅၀ မီလီလီတာထည့်ကာ ပွက်လာတဲ့အထိ တည်ပါ။

  3. ပွက်လာရင် ရွှေဖရုံသီးအနှစ်ကို ထည့်ပြီး သေချာမွှေပေးပါ။

  4. ရွှေဖရုံသီးအနှစ်များ သမသွားပြီဆိုရင်တော့ အိုးပေါ်မှ ချကာ မိနစ် ၃၀ လောက် အအေးခံပေးပါ။

  5. ဆန်ပြုတ်အေးသွားပြီဆိုရင် စတော်ဘယ်ရီသီး၊ ပန်းသီး၊ပဲစိမ်းကြော်၊ သီဟိုဠ်စေ့နဲ့ ငှက်ပျောသီးတို့ကို နှစ်သက်သလို လှီးထည့်ပြီး သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent