အာဟာရပြည့်ဝပြီး အရသာရှိတဲ့ ဘူးသီးနုနုနဲ့ ကြက်ကာလသားချက်ဟင်း

အာဟာရပြည့်ဝပြီး အရသာရှိတဲ့ ဘူးသီးနုနုနဲ့ ကြက်ကာလသားချက်ဟင်း

30 မိနစ်

3 ဦးစာ

အလယ်အလတ်

ခေတ်အဆက်ဆက် နာမည်ကျော်ကြားတဲ့ ဘူးသီးနဲ့ ကြက်ကာလသားချက် ဟင်းချက်နည်းလေး ပြောပြပေးချင်ပါတယ်။ ချက်ရတာလည်း လွယ်ကူပြီး အရသာလဲရှိတဲ့အတွက်ကြောင့် အိမ်မှာ ချက်တာပဲ ဖြစ်ဖြစ် သူငယ်ချင်းတွေနဲ့ အပျော်ချက်စားတာပဲ ဖြစ်ဖြစ် ချက်စားကြည့်သင့်တဲ့ ဟင်းလေး ဖြစ်ပါတယ်။

ပါဝင်ပစ္စည်းများ

  • ကြက်သား ၃၀ ကျပ်သား
  • ဘူးသီးနုနု ၁ လုံး
  • ခနော်ကြက်သားမှုန့် ထမင်းစားဇွန်း ၁ ဇွန်းခွဲ
  • နံနံပင် ၃ ပင်
  • ကြက်ပြုတ်ရည် ၁ ခွက်ခွဲ
  • သစ်ကြပိုးမှုန့် လက်ဖက်ရည်ဇွန်း ၁ ဇွန်း
  • ဆား လက်ဖက်ရည်ဇွန်း ၁ ဝက်
  • ဆီ ထမင်းစားဇွန်း ၁ ဇွန်းခွဲ
  • ကြက်သွန်ဖြူ ၃ မွှာ
  • ကြက်သွန်နီ ၃ လုံး
  • နနွင်းမှုန့် လက်ဖက်ရည်ဇွန်း ၁ ဝက်
  • ငရုတ်သီးမှုန့် လက်ဖက်ရည်ဇွန်း ၁ ဇွန်းခွဲ
  • ငံပြာရည် ထမင်းစားဇွန်း ၁ ဝက်
  • ချင်း လက် ၁ ဆစ်

ချက်ပြုတ်ပြင်ဆင်ပုံ

  1. ဖန်ဇလုံးကြီးထဲ ကြက်သားတုံးများကို ခနော်ကြက်သားမှုန့် ၁ ဇွန်း၊ ဆား၊ သစ်ကြပိုးမှုန့် တို့နဲ့ ၁၅ မိနစ်လောက် နယ်နှပ်ထားပါ။

  2. အိုးကြီးတစ်ခုထဲကို ဆီထည့်ပြီး အပူပေးပါ။ ဆီပူလာရင်တော့ ဟင်းအနှစ်လုပ်ရန် ပါဝင်ပစ္စည်းများ အားလုံးထည့်ပြီး ဆီသတ်ပါ။

  3. ကြက်သွန်နွမ်းလာရင် ကြက်သားတုံးများထည့်ပြီး ၅မိနစ်မှ ၈မိနစ်လောက် တည်ပါ။ နှံ့အောင်မွှေပေးပါ။ ကြက်ပြုတ်ရည်ထည့်ပြီး ဆူအောင်တည်ပါ။ အသားနူးအောင်တည်ပါ။ အသားနုးခံနီးမှာ ဘူးသီးစိတ်များထည့်ပါ။

  4. မီးအနေတော်နဲ့ တည်ပေးပါ။ ထို့နောက် ဘူးသီးတုံးများ ပုံမပျက်အောင် တည်ပေးပါ။ ရေလိုရင် အနည်းငယ် ထည့်ပေးပါ။ ဆား၊ ခနောကြက်သားမှုန့်တို့နဲ့ အရသာ ထိန်းညှိပါ။ ကြက်သားဟင်းကို မီးဖိုပေါ်က ချခါနီးမှ နံနံပင်အုပ်ပါ။

  5. ကျက်သွားပြီဆိုရင်တော့ ပန်းကန်တစ်ခုထဲ ပြောင်းထည့်ပြီး အရသာရှိတဲ့ ဘူးသီး ကြက်ကာလသားဟင်းလေးကို ထမင်းပူပူလေးနဲ့ အရသာရှိရှိ စားလို့ရပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent