အာလူးကတ်တလိတ်ကြော်ကြွပ်ကြွပ်လေးနဲ့ ခနောဆန်ပြုတ်တွဲစားမယ်

အာလူးတွေကို ပြုတ်ပြီး အခွံနွှာကာ ချေထားပါ။

အဆာပလာအတွက် ဆီထမင်းစားဇွန်း ၃ ဇွန်းကို အပူပေးပြီး ကြက်သွန်နီ၊ ကြက်သွန်ဖြူ၊ ငရုတ်သီးစိမ်း၊ အရောင်တင်မှုန့်၊ ခနောကြက်သားမှုန့်နဲ့ မဆလာတို့ကို နည်းနည်းလေး ခြောက်ပြီး မွှေးပျံ့လာတဲ့အထိ ၄၊ ၅ မိနစ်လောက်ကြော်ပေးပါ။ ပြီးရင်တော့ ဖယ်ထားလိုက်ပါ။

အာလူးချေထားတာကို အပြားလေးလုပ်၊ အဆာပလာတွေ ထည့်ပြီး အလုံးလေးတွေ ပြုလုပ်ပါ။

ကြက်ဥ ၂ လုံးကို ခွဲထားပြီး အာလူးလုံးလေးတွေကို ကြက်ဥဖောက်ထားတဲ့အထဲ စိမ်ပါ။ ပြီးရင်တော့ အကြော်မှုန့်သုတ်လိမ်းပါ

ဆီ ၁၀ကျပ်သားကို ထည့်ပြီး အပူပေးထားပါ။

ဆီပူလာတဲ့အခါ အာလူးလုံးလေးတွေ ထည့်ပြီး ရွှေရောင်သမ်းလာတဲ့အထိ ကြော်ပေးပါ။

အိုးအသစ်တစ်လုံးထဲမှာ ခနောဆန်ပြုတ်ထုပ်ကို ထည့်ပြီး ရေ ၂၅၀ မီလီလီတာထည့်ပါ။ ပွက်ပွက်ဆူလာတဲ့အခါ မီးလျှော့ပြီး ၃ မိနစ်ကနေ ၅ မိနစ်လောက်ထိ မွှေပေးပါ။

ဆန်ပြုတ်ရပြီဆိုရင် ခုန ကြော်ထားတဲ့ အာလူးကတ်တလိတ်ကြော်လေးနဲ့ ပူပူလေး သုံးဆောင်နိုင်ပါပြီ။