အသားဟင်းမလိုတဲ့ ပဲသီးပုဇွန်ကြော်

အသားဟင်းမလိုတဲ့ ပဲသီးပုဇွန်ကြော်

20 မိနစ်

2 ဦးစာ

လွယ်သော

ပုဇွန်ချစ်သူများအတွက် ချက်ပြုတ်ရလွယ်ကူပြီး အရသာရှိတဲ့ ပဲသီးပုဇွန်ကြော် လုပ်နည်းလေး တင်ဆက်ပေးလိုက်ပါတယ်။ ကျန်းမာရေးနဲ့လည်း ညီညွတ်တဲ့အတွက်ကြောင့် လူကြီးလူငယ်မရွေး စားသုံးသင့်တဲ့ ဟင်းလေးပဲ ဖြစ်ပါတယ်။

ပါဝင်ပစ္စည်းများ

  • ပဲတောင့်ရှည် ၁၀ ကျပ်သား
  • ပုဇွန်ဆိတ် ၁၀ ကျပ်သား
  • ကြက်သွန်ဖြူ ၅ မွှာ
  • ကြက်သွန်နီ ၁ လုံး
  • ချင်း အနည်းငယ်
  • နနွင်းမှုန့် လက်ဖက်စားဇွန်း ၁ ဝက်
  • ခနောကြက်သားမှုန့် လက်ဖက်စားဇွန်း ၁ ဇွန်း
  • ပုဇွန်ခြောက်မှုန့် လက်ဖက်စားဇွန်း ၁ ဇွန်း
  • ပဲဆီသန့် ထမင်းစားဇွန်း ၃ ဇွန်း
  • ငရုတ်ကောင်းမှုန့် အနည်းငယ်
  • ငါးငံပြာရည် လက်ဖက်စားဇွန်း ၁ ဇွန်း
  • သံပုရာရည် ထမင်းစားဇွန်း ၁ ဇွန်း
  • ငရုတ်သီးစိမ်း ၅ တောင့်
  • ရှမ်းငရုတ်သီးပွ ၁ တောင့်
  • ရေသန့် ဝ.၅ လီတာ

ချက်ပြုတ်ပြင်ဆင်ပုံ

  1. ပုဇွန်ဆိတ်လေးတွေကို ရေဆေးပြီး သန့်စင်ထားပေးပါ။ ပဲတောင့်ရှည်လေးတွေကိုတော့ ရေဆေးပြီး ၁ လက်မခန့်အရွယ်လေးတွေ လှီးဖြတ်ထားပါ။

  2. ကြက်သွန်နီ၊ ကြက်သွန်ဖြူ၊ ချင်းတို့ကိုတော့ ဆီသတ်ဖို့အတွက် ထောင်းထားပေးပါ။

  3. ဒယ်အိုးထဲမှာ ပဲဆီသန့်ထည့်ပြီး ဆီပူလာရင်တော့ ထောင်းထားတဲ့ ကြက်သွန်နီ၊ ကြက်သွန်ဖြူ၊ ချင်းအနှစ်ကိုထည့်ပြီး ဆီသတ်ပါ။

  4. ဆီသတ်နံ့လေးမွှေးလာပြီး ကြက်သွန်လေးတွေ နွမ်းလာပြီဆိုရင်တော့ ပဲတောင့်ရှည်လေးတွေနဲ့ ပုဇွန်ဆိတ်လေးတွေထည့်ပြီး မွှေကာကြော်ပေးပါ။

  5. ပဲတောင့်ရှည်လေးတွေ နူးဖို့အတွက်ဆိုရင်တော့ ရေအနည်းငယ်ထည့်ပြီး အုပ်ထားပေးပါနော်။

  6. မိနစ်အနည်းငယ်ကြာရင်တော့ ပုဇွန်ခြောက်မှုန့်၊ ငရုတ်ကောင်းမှုန့်၊ ခနောကြက်သားမှု့တို့ထည့်ပြီး အရသာသွင်းပေးရပါမယ်။

  7. ဟင်းနံ့လေးတွေ မွှေးပြီး ပဲတောင့်ရှည်လေးတွေလည်း နူးလာပြီဆိုရင်တော့ ရှမ်းငရုတ်နီ၊ ငရုတ်သီးစိမ်းတို့ အလှဆင်ပြီး အရသာရှိစွာ သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent