အရည်သောက်အတွက် မုန်လာဥချဉ်ရည်ဟင်းတစ်ခွက်

အရည်သောက်အတွက် မုန်လာဥချဉ်ရည်ဟင်းတစ်ခွက်

5 မိနစ်

3 ဦးစာ

လွယ်သော

ငါးခြောက်၊ ငါးကြော်၊ ငါးပိကြော်လိုမျိုး ဟင်းခြောက်ခြောက်တွေနဲ့ စားရတဲ့နေ့မျိုးမှာ ကျွန်မအတွက်ကယ်တင်ရာကတော့ ချဉ်ပြုံးပြုံးနဲ့ ခံတွင်းရှင်းစေတဲ့ မုန်လာဥချဥ်ရည်ဟင်းလေးတစ်ခွက်ပါပဲ။ ဆီမပါ၊ အအီပြေ ခံတွင်းလိုက်စေပြီး ချက်ပြုတ်ရတာလည် းလွယ်ကူလှတဲ့ မုန်လာဥချဉ်ရည်ဟင်းလေးကို ခနောမန်ကျည်းအရသာမှုန့်လေးနဲ့ ခုလိုမြန်မြန်ဆန်ဆန်ချက်နိုင်ပြီနော်။

ပါဝင်ပစ္စည်းများ

  • မုန်လာဥလတ် ၂ လုံး (အခွံနွှာရေဆေးပြီး မထူမပါးခပ်စွေစွေလှီးထားပါ)
  • ကြက်သွန်နီ ၁ လုံး (အခွံနွှာရေဆေးပြီး ပါးပါးလှီးထားပါ)
  • စိမ်းစားငါးပိ လက်ဖက်ရည်ဇွန်း ၁ ဇွန်း
  • ပုစွန်ခြောက် ၇ ကောင်
  • ခနောကြက်သားမှုန့် ထမင်းစားဇွန်း တစ်ဝက်
  • ခနောချဥ်ပြုံးပြုံးမန်ကျည်းအရသာမှုန့် လက်ဖက်ရည်ဇွန်း တစ်ဝက် ချဉ်ပြုံးပြုံးမန်ကျည်းအရသာမှုန့် လက်ဖက်ရည်ဇွန်း ၁ ဇွန်းသည် မန်ကျည်းမှည့် ၂ ကျပ်ခွဲသားခန့်နှင့်ညီမျှပါသည်)
  • ရေ ၈၀၀ မီလီလီတာ

ချက်ပြုတ်ပြင်ဆင်ပုံ

  1. အိုးထဲကို မုန်လာဥ၊ ငါးပိ၊ ကြက်သွန်နီ၊ ပုစွန်ခြောက်တို့ထည့်ပြီး ခဏအဖုံးအုပ်ကာ သူ့အရည်နဲ့သူလုံးချက်ပေးပါ။

  2. မုန်လာဥထဲကို အရသာနည်းနည်းဝင်ပြီဆိုရင် ရေထည့်၊ အဖုံးအုပ်ပြီး ပွက်ပွက်ဆူအောင်တည်ပါမယ်။

  3. မုန်လာဥနူးလာပြီဆိုရင် ခနောကြက်သားမှုန့်နဲ့ ခနောမန်ကျည်းအရသာမှုန့်တို့ထည့်ကာ ခဏလေးဆက်တည်ထားပါ။ အရသာစိတ်ကြိုက်ဖြစ်ပြီဆိုရင်တော့ ပန်းကန်ထဲထည့်ကာသုံးဆောင်နိုင်ပါပြီ။

  4. ဆီလည်းမပါ မန်ကျည်းအရသာချဉ်ပြုံးပြုံးလေးနဲ့ ထမင်းစားမြိန်စေမယ့် မုန်လာဥချဉ်ရည်ဟင်းလေးကို မြန်မြန်လေးချက်စားကြည့်ပါဦးနော်။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent