အဆာပြေစားစရာ ဂေါ်ရခါးသီးတန်ပူရာ

ပန်းကန်လုံးတစ်လုံးထဲမှာ ခနောကြက်သားမှုန့်၊ တန်ပူရာမှုန့် ထမင်းစားဇွန်း ၃ ဇွန်းနဲ့ ရေ ၅၀ မီလီလီတာထည့်ပြီး မွှေထားပေးပါ။

ဒယ်အိုးကို မီးပြင်းပြင်းအပူပေးထားပြီး ဆီထည့်ပါ။ ဂေါ်ရခါးသီးအချောင်းလေးတွေကို အပေါ်က နယ်ထားတဲ့ မုန့်နှစ်ထဲ နှစ်၊ ပြီးရင် တန်ပူရာမှုန့် ထမင်းစားဇွန်း ၂ဇွန်းထည့်ထားတဲ့ခွက်ထဲ ထပ်လူးပေးပြီး အိုးထဲထည့်ကာ တစ်ဖက်ကို ၁မိနစ်-၂ မိနစ်လောက် ကြော်ပေးပါ။ အိုးမကျပ်အောင် ဂရုစိုက်ပေးပါနော်။ ရွှေညိုရောင်သန်းလာတဲ့အခါ ဆီစစ်ပြီး ဖယ်ထားပါ။

အချဥ်အတွက် ကြက်သွန်ဖြူ၊ ထန်းလျက်နဲ့ ဂျင်းတို့ကို ညက်အောင် ထောင်းထားပါ။ ပြီးရင် မန်ကျည်းရည်နဲ့ ငံပြာရည်ရောပြီး ထောင်းထားတဲ့အနှစ်တွေ ထည့်ပါ။ လှီးထားတဲ့ နံနံပင်နဲ့ ငရုတ်သီးစိမ်းလေးထည့်ပြီး မွှေပေးပါ။

ဂေါ်ရခါးသီးတန်ပူရာပူပူလေးကို အချဥ်နဲ့ တွဲဖက်သုံးဆောင်နိုင်ပါပြီ။