အချိန်တိုင်း ထမင်းမြိန်စေမယ့် ခရမ်းချဥ်သီးငါးပိချက်

အချိန်တိုင်း ထမင်းမြိန်စေမယ့် ခရမ်းချဥ်သီးငါးပိချက်

10 မိနစ်

4 ဦးစာ

လွယ်သော

အိမ်မှာ ထမင်းစားကောင်းတဲ့နေ့ဆိုတာ ငါးပိချက်ကောင်းကောင်းလေးတစ်ခွက်ကို အတို့အမြုပ်လေးနဲ့နယ်ဖတ်စားရတဲ့နေ့တွေပါပဲ။ငါးပိချက်ကတော့ ထမင်းဝိုင်းတွေမှာ ဘုရင်လို့ ပြောရလောက်အောင်ကိုမြန်မာလူမျိုးတွေအကြိုက်ပါ။ဒါ့ကြောင့် ဒီတစ်ခါတော့ ခရမ်းချဉ်သီးငါးပိချက်လေးကို ဘယ်လိုအရသာရှိအောင် လုံးချက်ရမလဲဆိုတာ ပြောပြပေးသွားပါမယ်။

ပါဝင်ပစ္စည်းများ

  • ခရမ်းချဥ်သီး ၁ဝ လုံး
  • ကြက်သွန်ဖြူ ၁ မြွှာ
  • ကြက်သွန်နီ ၂ လုံး
  • မျှင်ငါးပိ ထမင်းစားဇွန်း ၁ ဇွန်း
  • ငရုတ်သီးနီတောင့်ရှည် ၁၀ တောင့်
  • ဆီ ၃ ကျပ်သား
  • ပုစွန်ခြောက်မှုန့် ၅ ကျပ်သား
  • နံနံပင် ၁၀ ပင်
  • ခနောကြက်သားမှုန့် လက်ဖက်ရည်ဇွန်း ၁ ဇွန်း
  • နနွင်းမှုန့် လက်ဖက်ရည်ဇွန်း သုံးပုံတစ်ပုံ
  • ငရုတ်သီးအစိမ်းမှုန့် ထမင်းစားဇွန်း ၁ ဇွန်း
  • ရေ ထမင်းစားဇွန်း ၁၀ ဇွန်း
  • ရေ ထမင်းစားဇွန်း ၅ ဇွန်း

ချက်ပြုတ်ပြင်ဆင်ပုံ

  1. ပထမဆုံးကြက်သွန်ဖြူ၊ ကြက်သွန်နီနဲ့ ငရုတ်သီး၇တောင့်ခန့်ကို ရောပြီး ညက်အောင် ထောင်းပါ။ခရမ်းချဉ်သီးတွေကိုလည်း အတုံးခပ်စိပ်စိပ်နုပ်နုပ်စင်းထားပါ။

  2. အိုးပေါ် ဆီပူအောင်တည်ပြီး နနွင်းခတ်ကာ ကြက်သွန်ဖြူ၊ နီ၊ ငရုတ်သီးဆီသတ်ပါ။

  3. ပြီးတာနဲ့ ခနောကြက်သားမှုန့်နဲ့ ငရုတ်သီးအစိမ်းမှုန့်ထည့်ပြီး ခရမ်းချဉ်သီးပါ တစ်ခါတည်းထည့်မွှေပါ။ခရမ်းချဉ်သီးနူးအောင် ရေထမင်းစားဇွန်း၁၀ဇွန်းခန့်ထည့်ကာ အိုးဖုံးဖုံးပြီး နှပ်ထားပါ။

  4. ၅မိနစ်ခန့်အကြာ ဆီပြန်လာမှ အိုးဖုံးဖွင့်ပြီး ငါးပိကို ရေထမင်းစားဇွန်း ၅ ဇွန်းစာခန့် ဖျော်ထည့်ပါ။

  5. နောက်ဆုံးတဖြည်းဖြည်း ရေခမ်းတဲ့ထိမွှေရင်း ရေခမ်းမှ ပုစွန်ခြောက်မှုန့်ထည့်ပြီး နံနံပင်နဲ့ကျန်ငရုတ်သီးတောင့်တွေအုပ်ပါ။

  6. ပြီးတာနဲ့ အရောင်အနံ့အရသာရှိတဲ့ ခရမ်းချဉ်သီးငါးပိချက်မွှေးမွှေးစပ်စပ်လေးကို ထမင်းနဲ့ နယ်ဖတ်စားနိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent