ဟော့ပေါ့အိမ်မှာ လုပ်စားကြမယ်

ဟော့ပေါ့အိမ်မှာ လုပ်စားကြမယ်

40 မိနစ်

7 ဦးစာ

ခက်ခဲသော

ဟော့ပေါ့ဆိုရင် အားလုံးလိုလိုရဲ့အတွေးထဲ ကိုယ်ကြိုက်ရာတွေရွေးထည့်မယ်၊ မိသားစုသူငယ်ချင်းတွေနဲ့တူတူပျော်ပျော်ပါးပါးစားမယ်ဆိုတဲ့ ပုံရိပ်လေးတွေ မြင်ယောင်လာကြစမြဲပါ။ ဟော့ပေါ့ကဆိုင်မှာစားရင် ဈေးများနေဆဲမို့ မိသားစုနဲ့အတူတူမကြာခဏဟော့ပေါ့စားချင်တယ်ဆိုရင်တော့ အိမ်မှာလုပ်စားတာက အကောင်းဆုံးပါပဲနော်။ အဓိကက ဟော့ပေါ့ပြုတ်ရည်ကောင်းကောင်းလေးစပ်တတ်ဖို့ပါပဲ။ ဒါကြောင့် ဟော့ပေါ့အိမ်မှာလုပ်စားကြမယ်ဆိုရင် ဘာတွေလိုအပ်မလဲဆိုတာမျှဝေပေးလိုက်ပါတယ်။

ပါဝင်ပစ္စည်းများ

ပြုတ်စားရန်

  • Baby corn ၅ တောင့်
  • ကြာစွယ် ၃ ကွင်း
  • အာလူး ၅ ချပ်
  • ငါးအသားလုံး ၁၀ လုံး
  • ကြက်သား(လှီးပြီးသား) ၁ ခွက်
  • ပဲရွက် ၁ စည်း
  • ကန်စွန်းရွက် အနည်းငယ်
  • ဘေဘီမုန်ညင်း ၁ စည်း
  • အသင့်စားခေါက်ဆွဲ ၁ ချပ်
  • ကန်စွန်းဥ ၃ ချပ်
  • မုန်ညင်းဖြူ ၁၂၅ ဂရမ်
  • ပန်းပွင့်စိမ်း ၁ ခွက်
  • မုန်လာဥနီ ၃ ချပ်
  • ငုံးဥ ၅ လုံး (ပြုတ်ပြီးအခွံနွှာထားပါ)
  • ပြောင်းဖူးကြီး ၁ ဖူး (၅ ပိုင်းခန့်ရအောင်ပိုင်းထားပါ)
  • အပ်မှို ၁၅၀ ဂရမ်
  • ပုစွန် ၁၅၀ ဂရမ် (အခွံချွတ်ထားပါ)
  • ဂျပန်တို့ဟူး ၁ ထုပ် (အတုံးလေးများ လှီးထားပါ)
  • (မိမိနှစ်သက်ရာတွေကို ရွေးချယ်ဖြည့်စွက်နိုင်ပါတယ်)

ကြက်ပြုတ်ရည်အတွက်

  • ကြက်ရိုး ၁၀ ကျပ်သား (ရေဆေးသန့်စင်ပြီး ကြက်သားမှုန့်၊ ချင်း ၊ ကြက်သွန်ဖြူ ၊ ရေထည့်ပြီး ကြက်ရိုးနူးသွားအောင်ပြုတ်ထားပါ)(ပြုတ်ရည်ရလာတဲ့အခါ ဆန်ခါနဲ့စစ်ပြီးအရည်ချည်းပဲယူပါ)
  • ခနောကြက်သားမှုန့် ထမင်းစားဇွန်း ၁ ဇွန်း
  • ချင်း ၄ စင်တီမီတာ (ဓားပြားရိုက်ပါ)
  • ကြက်သွန်ဖြူ ၃ မြွှာ (ဓားပြားရိုက်ပါ) (ကြက်သားပြုတ်ရန်)
  • ရေ ၂၀၀၀ မီလီလီတာ

တုန်ယမ်းဟင်းရည်ပြုလုပ်ရန်

  • ခနောတုန်ယမ်းခဲ ၂ ခဲ (ရေနည်းနည်းနဲ့ဖျော်ပြီးထည့်ပါ)
  • တုန်ယမ်းအနှစ် ထမင်းစားဇွန်း ၁ ဇွန်း
  • ရှောက်ဘီလူးရွက် ၅ ရွက်
  • စပါးလင် ၃ ချောင်း (အရင်းကို၄ စင်တီမီတာအရှည်ဖြတ်ပြီး ဓားပြားရိုက်ထားပါ)
  • ဆီ ထမင်းစားဇွန်း ၂ ဇွန်း
  • ကြက်သွန်ဖြူ ၃ မြွှာ (ထောင်းထားပါ) (ဆီသတ်ရန်)
  • ငါးငံပြာရည် ထမင်းစားဇွန်း ၂ ဇွန်း
  • ခနောကြက်သားမှုန့် ထမင်းစားဇွန်း ၁ ဇွန်း
  • သကြား ထမင်းစားဇွန်း ၁ ဇွန်း
  • ကြက်ပြုတ်ရည် (အပေါ်တွင်ပြုလုပ်ပြီး)

အချဥ်စပ်ရန်

  • သကြား ထမင်းစားဇွန်း ၄ ဇွန်း
  • သံပုရာရည် ၆၀ မီလီလီတာ
  • ထိုင်းငါးငံပြာရည် ၈၀ မီလီလီတာ
  • ထိုင်းငရုတ်သီးအနီတောင့် ၆ တောင့် (ထောင်းထားပါ)
  • ကြက်သွန်ဖြူ ၃ မြွှာ (ထောင်းထားပါ)
  • တရုတ်နံနံပင် ၃ ပင် (နုတ်နုတ်စင်းထားပါ) ဒါတွေအားလုံးကို သမအောင်ရောမွှေပေးပါ။

ချက်ပြုတ်ပြင်ဆင်ပုံ

  1. အရင်ဆုံးတုန်ယမ်းဟင်းရည်ပြုလုပ်ပါမယ်။ ဒယ်အိုးထဲကိုဆီထည့်ပြီး ဆီဆူလာတဲ့အခါ ကြက်သွန်ဖြူထည့်မွှေပါ။ ပြီးတဲ့အခါ စပါးလင်၊ ရှောက်ရွက်ထည့်ကာ ၁ မိနစ်ခန့်ဆီသတ်ပါ။

  2. ဆီသတ်နံ့လေးမွှေးလာတဲ့အခါ ကြက်ပြုတ်ရည်လောင်းထည့်ပါ။ ရေဆူလာတဲ့အခါ ငါးငံပြာရည်၊ ခနောတုန်ယမ်းခဲနဲ့ တုန်ယမ်းအနှစ် ကိုထည့်ပါ။ သကြားနဲ့ကြက်သားမှုန့် ထည့်မွှေပါ။

  3. ဟင်းရည်ပွက်ပွက်ဆူလာချိန်မှာ ပြောင်းဖူးကြီးနဲ့အသားလုံးများထည့်ပါ။ ပြီးရင်တော့ နူးလွယ်တဲ့အရွက်များ၊အသားပြားများ၊ အသားလုံး၊ တို့ဟူး၊ ခေါက်ဆွဲတို့ထည့်ကာ မိမိစိတ်ကြိုက်သုံးဆောင်နိုင်ပါပြီ။

  4. တုန်ယမ်းဟော့ပေါ့နဲ့အလိုက်ဖက်ဆုံး ထိုင်းအချဉ်ရည်လေးနဲ့တို့စားဖို့လည်း မမေ့နဲ့ဦးနော်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent