ဝက်နံရိုးကြံမဆိုင်ဟင်းတစ်ခွက် ဘယ်လိုချက်မလဲ

ဝက်နံရိုးကြံမဆိုင်ဟင်းတစ်ခွက် ဘယ်လိုချက်မလဲ

30 မိနစ်

4 ဦးစာ

အလယ်အလတ်

၀က်နံရိုးကောင်းကောင်းလေးများရရင် အိမ်ရှင်မတွေမျက်လုံးထဲပြေးမြင်မိတာက ကြံမဆိုင်လေးနဲ့ရောပြီး ချဉ်စပ်လေးချက်ဖို့ပါပဲ။ ဝက်နံရိုးအတွင်းကထွက်လာတဲ့ အဆီအနှစ်နဲ့ချိုမြမှုရယ်၊ ချဉ်ပြုံးပြုံးမုန်ညင်းကြံမဆိုင်ရယ် ပေါင်းစပ်မှုက အိမ်သားအားလုံးကို လျှာလည်သွားစေနိုင်ပါတယ်။ ဒါကြောင့် အစ်မက ဝက်နံရိုးကြံမဆိုင်ဟင်းတစ်ခွက်ကို ဘယ်လိုအရသာရှိရှိ၊ မြန်မြန်ဆန်ဆန် ချက်ပြုတ်နိုင်မလဲဆိုတာ မျှဝေပေးချင်ပါတယ်။

ပါဝင်ပစ္စည်းများ

  • ဝက်နံရိုး ၃၀ ကျပ်သား (ရေဆေးသန့်စင်ပြီး ခနောကြက်သားမှုန့်စားပွဲတင်ဇွန်း ၁ ဇွန်းထည့်ကာနယ်ထားပါ)
  • ကြံမဆိုင် ၃ ပင် (တစ်လက်မခွဲအရွယ် လှီးထားပါ)
  • ချင်း ၁ လက်မ (ညက်အောင် ထောင်းထားပါ)
  • ကြက်သွန်ဖြူ ၃ မွှာ (ညက်အောင် ထောင်းထားပါ)
  • ကြက်သွန်နီ တစ်ခြမ်း (ညက်အောင် ထောင်းထားပါ)
  • ပဲငံပြာရည်အကြည် ထမင်းစားဇွန်း ၂ ဇွန်း
  • ခနောကြက်သားမှုန့် ထမင်းစားဇွန်း ၁ ဇွန်း
  • ဆီ ထမင်းစားဇွန်း ၁ ဇွန်း
  • ငရုတ်သီးစိမ်း ၃ တောင့် (မညက်တညက်ထောင်းထားပါ)
  • ရေ ၆ ခွက် (၁၅၀၀ မီလီလီတာ)

ချက်ပြုတ်ပြင်ဆင်ပုံ

  1. အိုးထဲကို ဆီထည့်ပြီးဆီဆူလာတဲ့အခါ ကြက်သွန်နီ၊ ကြက်သွန်ဖြူ၊ ချင်းတို့ထည့်ပါ။ ဝက်နံရိုးများထည့်ကာ မွှေးရနံ့ထွက်လာအောင် ဆီသတ်ပေးပါ။

  2. ရေ ၆ ခွက်ထည့်ပြီး အဖုံးအုပ်ကာ ဆူအောင်တည်ပါ။ ရေဆူလာချိန် ဝေ့တက်လာတဲ့အဆီလေးတွေကို ဇွန်းနဲ့ဖယ်ပေးပါ။

  3. မိနစ် ၂၀ ခန့်တည်ပြီး ဝက်နံရိုးနူးလာချိန်မှာ ကြံမဆိုင်ထည့်ပါ။ ပဲငံပြာရည်ထည့်ပါ။ ခနောကြက်သားမှုန့်လေးထည့်ပေးပါ။

  4. မီးပိတ်ခါနီးအချိန်မှာ ငရုတ်သီးစိမ်းလေးထည့်ပေးပါ။ ခုဆိုရင်တော့ ဝက်နံရိုးနူးနူးအိအိနဲ့ ချိုချဉ်စပ်မွှေးတဲ့ ကြံမဆိုင်ဟင်းရည်လေးကို ရပါပြီနော်။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent