လျှာလည်သွားစေမယ့် ရုံးပတီသီးဝက်သားပြားကြော်

လျှာလည်သွားစေမယ့် ရုံးပတီသီးဝက်သားပြားကြော်

30 မိနစ်

3 ဦးစာ

လွယ်သော

ဒီတစ်ခါမှာတော့ ရုံးပတီသီးလေးတွေကို အရသာပိုပြီးပေါ်လွင်သွားအောင် ဝက်သားပြားလေးနဲ့ ကြော်စားကြည့်ရအောင်နော်။ ဝက်သားပြားနဲ့ ရုံးပတီသီးလေးတွေကို ငရုတ်ပွသီးလေးပါ ထည့်ကြော်ထားတာမို့ အနံ့လေးလည်းပိုမွှေးပြီး အရသာထိမိနေစေမှာပါ။

ပါဝင်ပစ္စည်းများ

  • ရုံးပတီသီး ၃၀ ကျပ်သား
  • ဝက်သားပြား ၂ ပြား
  • ခနောကြက်သားမှုန့် လက်ဖက်စားဇွန်း ၂ ဇွန်း
  • ကြက်သွန်ဖြူ ၂ မွှာ
  • ငရုတ်ပွသီးအဝါ ၁ ခု
  • ခရမ်းချဉ်သီး ၂ လုံး
  • ထောပတ်ဆီ ထမင်းစားဇွန်း ၂ ဇွန်း
  • ဆား အနည်းငယ်
  • ငရုတ်သီးစိမ်း ၃ တောင့်

ချက်ပြုတ်ပြင်ဆင်ပုံ

  1. အရင်ဦးဆုံး ရုံးပတီသီးလေးတွေကို ရေစင်အောင်ဆေးပြီး အနေတော်လှီးထားပါ။

  2. ကြက်သွန်ဖြူလေးတွေကို ပါးပါးလှီးထားပြီး ငရုတ်ပွအဝါ၊ ခရမ်းချဉ်သီးတို့ကို အစေ့ထုတ်ကာ လှီးထားပေးပါနော်။

  3. ဝက်သားပြားလေးတွေကိုလည်း အနေတော်လှီးပေးထားပါ။ ငရုတ်သီးစိမ်းလေးတွေကိုတော့ ထိပ်လေးတွေ ညှပ်ထားပေးပါ။

  4. ဒယ်အိုးထဲမှာ ထောပတ်ဆီထည့်ပြီး ဆီပူလာတဲ့အခါ ကြက်သွန်ဖြူနဲ့ ဝက်သားပြားလေးတွေကိုထည့်ပြီး ၂ မိနစ်ခန့်ကြော်ပေးပါ။

  5. ပြီးရင်တော့ ရုံးပတီသီးနဲ့ ငရုတ်သီးစိမ်းလေးတွေကို ထည့်ကြော်ပေးပါနော်။ ရေထည့်ရန်လိုအပ်ရင် အနည်းငယ်တောက်ပေးနိုင်ပါတယ်။

  6. အရသာအတွက် ခနောကြက်သားမှုန့်၊ ဆားတို့ထည့်ပြီး အရသာစပ်ကာ မိနစ်အနည်းငယ်ကြာရင်တော့ အရသာရှိစွာ သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent