လျှာလည်သွားစေမယ့် ငါးခူအချဉ်ဆီပြန်

ငါးခူတွေကို အချွဲတွေပျောက်အောင် ဂျုံမှုန့်အနည်းငယ်နဲ့ သန့်စင်ပြီး အရိုးတွေထုတ်ကာ အသားလေးတွေ လွာထားပေးပါ။

ပြီးရင်တော့ သံပုရာရည်၊ ခနောကြက်သားမှုန့်၊ ငရုတ်ကောင်းမှုန့်၊ နနွင်းမှုန့်လေးတွေထည့်ပြီး အရသာသွင်းကာ နှပ်ထားပေးပါနော်။

ဟင်းအနှစ်ဖြစ်ဖို့အတွက် ကြက်သွန်ဖြူ၊ ကြက်သွန်နီ၊ ချင်းနဲ့ ငရုတ်ပွခြောက်တွေကို ငါးကျည်းခြောက်လေးနဲ့ ရောထောင်းပေးထားပါ။

ငရုတ်သီးစိမ်းနဲ့ နံနံပင်လေးတွေကိုတော့ ရေစိမ်ထားပြီး မန်ကျည်းသီးမှည့်ကိုတော့ ရေနွေးဖျောကာ အနှစ်လုပ်ထားပေးပါနော်။

ဒယ်အိုးထဲမှာ ဆီပူလာရင်တော့ ထောင်းထားတဲ့ အနှစ်တွေကို နနွင်းမှုန့်၊ စပါးလင်၊ ငါးငံပြာရည်တို့ထည့်ပြီး ဆီသတ်ပေးပါ။

ဆီသတ်နံ့လေးမွှေးလာရင်တော့ ခရမ်းချဉ်သီးထည့်ပါ။ မိနစ်အနည်းငယ်ကြာရင်တော့ ငါးခူထည့်ချက်ပြီး ဖွဖွလေးမွှေပေးပါနော်။

ါးခူလေးတွေ နူးလာရင်တော့ မန်ကျည်းနှစ်လေးထည့်ကာ ငရုတ်သီးစိမ်း၊ နံနံပင်တို့အုပ်လိုက်ရင်တော့ အနံ့အရသာနဲ့ ပြီးပြည့်စုံတဲ့ ငါးခူအချဉ်ဆီပြန်လေး ရပြီဖြစ်ပါတယ်။