လျှာလည်ထိမိသွားစေမယ့် ချဉ်စပ်ကြက်သားသီးစုံချက်

အရင်ဦးဆုံး ကြက်သားလေးတွေကို ရေသန့်စင်ပြီး အနေတော်အတုံးလေးတွေ တုံးထားပြီး ခနောကြက်သားမှုန့်၊ နနွင်းမှုန့်လေးနဲ့ နယ်ထားပေးပါ။

ခရမ်းချဉ်သီးလေးတွေကို ၄ စိတ်ခြမ်းထားပြီး ထောပတ်ခရမ်းသီးနဲ့ ရိုးရိုးခရမ်းသီးလေးတွေကိုတော့ အနေတော်တုံးထားပါ။

နံနံပင်လေးတွေကို ခပ်ကြမ်းကြမ်းဖြတ်ထားပြီး ပဲတောင့်ရှည်လေးတွေကိုတော့ လက် ၂ ဆစ်ခန့် ဖြတ်ထားပေးပါ။

ဂေါ်ရခါးသီး၊ မုန်လာဥနီ၊ ရုံးပတီသီး၊ ဖရုံသခွားလေးတွေကိုလည်း အနေတော် တုံးထားပြီး သရက်သီးခြောက်လေးကိုတော့ ရေစိမ်ထားပေးပါ။

ဆီသတ်ဖို့အတွက် ကြက်သွန်နီ၊ ကြက်သွန်ဖြူနဲ့ ချင်းလေးတွေကို ထောင်းထားပေးပါ။ ငရုတ်သီးစိမ်းလေးတွေကိုတော့ ရေစိမ်ပြီး အညှာချွေထားပေးပါ။

ဒယ်အိုးထဲမှာ ဆီထည့်ပြီး ဆီဆူလာရင်တော့ ထောင်းထားတဲ့ ကြက်သွန်နှစ်လေးအပြင် ကျန်ပါဝင်ပစ္စည်းတွေကိုထည့်ပေးပါ။

အနှစ်လေးတွေကို ရွှေရောင်သန်းလာသည်အထိ ဆီသတ်ပြီးမှ ငံပြာရည်နဲ့ ငရုတ်သီးစိမ်းတွေထည့်ပြီး နှံ့အောင်မွှေပါ။

ပြီးရင် ကြက်သားတုံးလေးတွေထည့်ပြီး နူးသွားအောင် ရေအနည်းငယ်ထည့်ချက်ပါ။

ကျန်အသီးအရွက်များထည့်ပြီး နူးလာသည်အထိ မွှေကာ ချက်ပေးပါနော်။

ရေလည်းခမ်း အသားနဲ့ အသီးအရွက်တွေလည်း နူးလာပြီဆိုရင်တော့ နံနံပင်လေးအုပ်ပေးပါ။

အရသာအတွက် လိုအပ်ရင် ခနောကြက်သားမှုန့်ထည့်နိုင်ပြီး အရသာရှိစွာ သုံးဆောင်နိုင်ပါပြီ။