လူတိုင်းအကြိုက်တွေ့သွားစေမယ့် ရာသီပေါ်အသီးအရွက်ကြော်ချက်နည်း

လူတိုင်းအကြိုက်တွေ့သွားစေမယ့် ရာသီပေါ်အသီးအရွက်ကြော်ချက်နည်း

30 မိနစ်

3 ဦးစာ

လွယ်သော

ဒီတစ်ခေါက်မှာတော့ အရံဟင်းဘာချက်ရမလဲဆိုပြီး ခေါင်းစားနေကြသူများအတွက် လွယ်ကူသက်သာပြီး အရသာရှိတဲ့ ရာသီပေါ် အသီးအရွက်ကြော်နည်းလေး ပြောပြပေးသွားပါမယ်နော်။ အချိန်ခဏလေးနဲ့ ချက်လို့ရတဲ့ ဟင်းလေးမို့ ရုံးသမားကျောင်းသမားတွေအတွက် အဆင်ပြေစေတဲ့ ဟင်းလေးလဲဖြစ်ပါတယ်။

ပါဝင်ပစ္စည်းများ

  • ဖရုံသခွား ၁ လုံး
  • ပန်းဂေါ်ဖီ ၁ စိတ်
  • ပန်းဂေါ်ဖီစိမ်း ၁ စိတ်
  • ပဲစီမ်း ၁ ထုပ်
  • ဆီ ထမင်စားဇွန်း ၂ ဇွန်း
  • နှမ်းဆီ လက်ဖက်ရည်ဇွန်း ၁ ဇွန်း
  • ဆား လက်ဖက်ရည်ဇွန်း ၁ ဝက်
  • ချင်း လက် ၂ ဆစ်
  • ငရုတ်ပွနီ ၁ ခု
  • ပုစွန်ငံပြာရည် လက်ဖက်ရည်ဇွန်း ၁ ဇွန်း
  • ပဲငံပြာရည် လက်ဖက်ရည်ဇွန်း ၁ ဇွန်း
  • ခနော်ကြက်သားမှုန့် လက်ဖက်ရည်ဇွန်း ၁ ဇွန်းခွဲ
  • ကြက်ပြုတ်ရည် ထမင်စားဇွန်း ၂ ဇွန်း

ချက်ပြုတ်ပြင်ဆင်ပုံ

  1. အရင်ဦးဆုံး ထည့်ကြော်မယ့် အသီးအနှံတွေကို ရေဆေးပြီး နှစ်သက်သလို လှီးဖြတ်ထားပါ။

  2. ချင်းနဲ့ ငရုတ်ပွအရှည်ကိုတော့ အမြှောင်းလေးတွေ အရှည်လိုက် လှီးထားပေးပါနော်။

  3. ဒယ်အိုးကို ဆီထည့်ပြီးအပူပေးပါ။ ဆီပူလာပြီဆိုရင်တော့ ဂျင်းထည့်ပြီး ကြော်ပါ။ ဂျင်းမွှေးလာရင်တော့ အသီးအရွက်များ ထည့်ပြီး ၂ မိနစ်လောက်ထပ်တည်ပါ။ ပြီးရင်‌တော့ ကျန်ပါဝင်ပစ္စည်းများ ထပ်ထည့်ပြီး မွှေပေးပါ။

  4. အသီးအရွက်များ နူးလာပြီဆိုရင်တော့ အရသာမြည်းပြီး လိုသလိုထပ်ဖြည့်ပါ။

  5. ပြီးသွားရင်တော့ အရသာရှိတဲ့ ရာသီပေါ်အသီးအရွက်ကြော် ပူပူ‌လေးကို ထမင်းလေးနဲ့ သုံးဆောင်လို့ရပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent