လူတိုင်းကြိုက်တဲ့ ဆိတ်သားခြောက်စပ်

လူတိုင်းကြိုက်တဲ့ ဆိတ်သားခြောက်စပ်

30 မိနစ်

3 ဦးစာ

အလယ်အလတ်

ထမင်းလေးနဲ့ပဲ ဖြစ်ဖြစ်၊ မိသားစု သူငယ်ချင်းတွေနဲ့ အပျင်းပြေစားချင်ရင်ပဲ ဖြစ်ဖြစ် လုပ်စားလို့ရအောင် ဆိတ်သားခြောက်စပ် လုပ်နည်းလေး ပြောပြပေးလိုက်ပါတယ်နော်။

ပါဝင်ပစ္စည်းများ

  • ဆိတ်မိုးခိုသား ၅၀ ကျပ်သား
  • ဒိန်ချဉ် ထမင်းစားဇွန်း ၃ ဇွန်း
  • ကြက်သွန်နီ ၂ လုံး
  • ကြက်သွန်ဖြူ ၁၀ မွှာ
  • ချင်း ၅ ကျပ်သား
  • စပါးလင် ၂ ပင်
  • ငရုတ်သီးခြောက် ၃ တောင့်
  • ငရုတ်ကောင်းမှုန့် လက်ဖက်စားဇွန်း ၁ ဝက်
  • ဆား လက်ဖက်စားဇွန်း ၁ ဝက်
  • ခနောကြက်သားမှုန့် ထမင်းစားဇွန်း ၂ ဇွန်း
  • ပျဉ်တော်သိမ်းရွက် ၃၀ ရွက်
  • နနွင်းမှုန့် လက်ဖက်စားဇွန်း ၂ ဇွန်း
  • ဇီယာမှုန့် လက်ဖက်စားဇွန်း ၁ ဇွန်း
  • လေးညှင်းပွင့် ၃ ပွင့်
  • ဖာလာစေ့ ၃ စေ့
  • နာနတ်ပွင့် ၃ ပွင့်
  • ဟင်းသီးဟင်းရွက်ဆီ ၅၀ ကျပ်သား
  • ငါးငံပြာရည် ထမင်းစားဇွန်း ၁ ဇွန်း
  • နံနံပင် အနည်းငယ်
  • ဆလပ်ရွက် အနည်းငယ်

ချက်ပြုတ်ပြင်ဆင်ပုံ

  1. အရင်ဦးဆုံး ဆိတ်မိုးခိုသားကို ရေဆေးသန့်စင်ပြီး စပါးလင်၊ ချင်း၊ ကြက်သွန်ဖြူ၊ ငရုတ်ကောင်းမှုန့်၊ ခနောကြက်သားမှုန့်၊ နနွင်းမှုန့်၊ နံနံပင်တို့ထည့်ပြီး နူးနေအောင် ပြုတ်ပေးပါ။

  2. ဆိတ်မိုးခိုသားတွေ နူးလာပြီဆိုရင်တော့ အအေးခံကာ အမျှင်လေးတွေဖြစ်အောင် နွှာပြီး ဒိန်ချဉ်၊ ဇီယာမှုန့်၊ ငရုတ်ကောင်းမှုန့်၊ ခနောကြက်သားမှုန့်တို့နဲ့ နှံ့အောာင်နယ်ပြီး မိနစ် (၂၀)ခန့် နှပ်ထားပါ။

  3. ကြက်သွန်ဖြူ၊ ကြက်သွန်နီနဲ့ ချင်းကို ပါးပါးလှီးပြီး ဆီများများနဲ့ ကြွတ်ရွနေအောင် ကြော်ပေးထားပါနော်။

  4. အယ်အိုးထဲမှာ ဟင်းသီးဟင်းရွက်ဆီကို အပူပေးပြီး အရသာသွင်းထားတဲ့ ဆိတ်မိုးခိုသားအမျှင်လေးတွေကို အကြွတ်ကြော်ပေးပြီး ဆယ်ထားပါ။

  5. နောက်ဆုံးအဆင့်အနေနဲ့ ဒယ်အိုးထဲမှာ ဆီပူပေးပြီး ပျဉ်တော်သိမ်းရွက်နဲ့ ငရုတ်သီးခွဲခြမ်းတွေကို ငါးငံပြာရည်အနည်းငယ်ထည့်ပြီး ဆီသတ်ပေးပါ။

  6. ပြီးရင်တော့ စောနကကြော်ထားတဲ့ ဆိတ်သားမျှင်နဲ့ ကြက်သွန်ကြော်တွေ ထည့်ကြော်လိုက်ရင်တော့ အရမ်းအရသာရှိတဲ့ ဆိတ်သားခြောက်စပ်လေး ရပြီဖြစ်ပါတယ်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent