လူကြီးတွေအကြိုက် ခွေးတောက်ရွက်ဟင်းချိုချက်နည်း

လူကြီးတွေအကြိုက် ခွေးတောက်ရွက်ဟင်းချိုချက်နည်း

20 မိနစ်

3 ဦးစာ

လွယ်သော

ခွေးတောက်ရွက်ကဆေးဖက်ဝင်အရွက်ဖြစ်သလိုခါးသက်သက်အရသာလေးနဲ့တစ်မျိုးအရသာထူးပါတယ်။ သူ့ကိုပါးပါးလှီးပြီး ကြက်ဥ၊ ဘဲဥနဲ့ကြော်စားကြသလို ဟင်းချိုအဖြစ်လည်းချက်သောက်လေ့ရှိပါတယ်။ ကြက်ရိုးရဲ့အချိုဓာတ်ယူပြီးချက်တဲ့ ခွေးတောက်ရွက်ကြက်ရိုးဟင်းချိုကတော့ ဝမ်းတွင်းအဆိပ်အတောက်တွေကိုပြေစေတဲ့အစွမ်းရှိပြီး အရက်၊ဘီယာကြောင့် ခေါင်းကိုက်နေတာ၊ ခေါင်းအုံနေတာတွေကိုလည်း အမြန်ဆုံးသက်သာစေပါတယ်။

ပါဝင်ပစ္စည်းများ

  • ခွေးတောက်ရွက် ၁ စည်း
  • ကြက်ရိုး ၂၀၀ ဂရမ် (ရေဆေးသန့်စင်ကာ ခနောကြက်သားမှုန့်၊ချင်းအရည်ညှစ်ကာနယ်ထားပါ)
  • ချင်း ၃ စင်တီမီတာ (ညက်အောင်ထောင်းပြီး အရည်ကိုကြက်သားနယ်ရန်သုံးပေးပါ)
  • ကြက်သွန်ဖြူ ၃ မြွှာ (ညက်အောင် ထောင်းထားပါ)
  • ဆီ ထမင်းစားဇွန်း ၁ ဇွန်း
  • နနွင်းမှုန့် လက်ဖက်ရည်ဇွန်း ၁ ဇွန်း
  • ခနောကြက်သားမှုန့် ထမင်းစားဇွန်း ၁ ဇွန်း (တစ်ဝက်ကိုကြက်ရိုးနယ်ရန်သုံးပါ)
  • ရေ ၉၀၀ မီလီလီတာ

ချက်ပြုတ်ပြင်ဆင်ပုံ

  1. အိုးထဲကို ကြက်ရိုး၊ ကြက်သွန်ဖြူ၊ နနွင်း၊ ဆီတို့ထည့်ကာ အနံ့မွှေးလာစေဖို့ ၂ မိနစ်ခန့်မွှေပေးပါ။

  2. ပြီးရင်တော့ ရေထည့်ပါ။ ရေပွက်ပွက်ဆူလာချိန်မှာ ခနောကြက်သားမှုန့် ထည့်ပေးပါ။

  3. ဟင်းရည်ပွက်ပွက်ဆူပြီး ကြက်ရိုးတွေနူးလာပြီဆိုရင် ခွေးတောက်ရွက်ထည့်လိုက်ပါ။

  4. ခွေးတောက်ရွက်လေးပျော့သွားပြီး ခါးသက်သက်အရသာလေးရရှိပြီဆိုရင်တော့ ပန်းကန်ထဲ ခူးထည့်ကာ သုံးဆောင်နိုင်ပြီဖြစ်ပါတယ်။

  5. ခွေးတောက်ရွက်ကြက်ရိုးဟင်းချိုလေးက ကျန်းမာရေးအတွက်ကောင်းသလို ငွေကုန်ကြေးကျမများဘဲ မြန်မြန်ဆန်ဆန်ချက်ပြုတ်နိုင်တဲ့ ဟင်းတစ်ခွက်ဖြစ်တာမို့ မဖြစ်မနေချက်စားကြည့်သင့်ပါတယ်နော်။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent