လိုက်ဖက်လှတဲ့ ဝက်ဆီဖတ်ကိုက်လန်ကြော

လိုက်ဖက်လှတဲ့ ဝက်ဆီဖတ်ကိုက်လန်ကြော

10 မိနစ်

2 ဦးစာ

လွယ်သော

ဝက်ဆီဖတ်ဆိုတာမျိုးက ကြွပ်ကြွပ်အိအိ အဆီအနှစ်အပြည့်နဲ့အရသာအရှိဆုံးဖြစ်သလို ကိုက်လန်ဆိုတာလည်း စားလိုက်တာနဲ့ အရသာရော အနံ့ရောမွှေးနေတာဆိုတော့ ဝက်ဆီဖတ်နဲ့ ကိုက်လန်အရောကြော်ဆိုတာ မြန်မာတွေအကြိုက်ဆုံး ဟင်းထဲမှာ ပါပါတယ်။ အိမ်မှာ ထမင်းမြိန်မြိန်စားဖို့ အရသာရှိရှိလေး ကြော်ချင်တယ်ဆိုရင်တော့ ဒီနည်းလေးအတိုင်း လိုက်ကြော်ကြည့်ပါဦး။

ပါဝင်ပစ္စည်းများ

  • ဝက်ဆီဖတ် ၁၀ ကျပ်သား
  • ကိုက်လန် ၂ စည်း
  • ခနောကြက်သားမှုန့် လက်ဖက်ရည်ဇွန်း ၁ ဇွန်း
  • ကြက်သွန်ဖြူ ၃ မြွှာ (ထောင်းထားပါ)
  • ခရုဆီ ထမင်းစားဇွန်း ၁ ဇွန်း
  • ဆား လက်ဖက်ရည်ဇွန်း ၁ ဇွန်း
  • ဆီ ၅ ကျပ်သား
  • ငရုတ်သီးအနီ ၂ တောင့် (လှီးထားပါ)

ချက်ပြုတ်ပြင်ဆင်ပုံ

  1. ပထမဦးဆုံး ကိုက်လန်ကို ခြွေပြီး ရေအေးအေးမှာ ဆားထည့်ပြီး ဆေးထားပါ။

  2. မီးဖိုပေါ် ဆီပူပေးပြီး ကြက်သွန်ဖြူထည့်မွှေပြီးတာနဲ့ ကိုက်လန်ထည့်ပါ။

  3. ခနော ကြက်သားမှုန့်နဲ့ ခရုဆီထည့်မွှေပါ။

  4. ကိုက်လန်တွေ အစိမ်းရင့်ရောင်ဖြစ်လာတာနဲ့ ဝက်ဆီဖတ်နဲ့ ငရုတ်သီးတောင့်တွေထည့်ပြီး မွှေပါ။

  5. ဝက်ဆီဖတ် မအိတအိအခြေအနေလေး ဖြစ်တဲ့အချိန် ၄မိနစ်ခန့်မှာ အိုးပေါ်က ချပြီး ပန်းကန်ထဲတည်ခင်းပါမယ်။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent