လတ်လတ်ဆတ်ဆတ်အရသာရှိတဲ့ ပုစွန်အစိမ်းသုပ်လေးလုပ်စားကြရအောင်

ပထမဆုံးပုစွန်လေးတွေကိုအခွံခွာ၊ကျောဘက်ကချေး(ဂျီး)ကြောင်းထုတ်၊အောက်ခြေအမြှီးလေးပဲကျန်အောင်ထားပြီးရေတစ်ထပ်ဆေးလိုက်ပါ။

ပြီးတာနဲ့သံပရာသီး၂လုံးကိုပုစွန်ထုပ်လေးတွေပေါ်နှံ့အောင် ညှစ်ချပြီး၅မိနစ်ခန့်နှပ်ထားပေးပါ။ဒါမှ ညှီနံ့ကင်းမှာပါ။

အဲ့ဒီအချိန်သုပ်ဖို့ဆော့အတွက်ပြင်ဆင်ရပြီလေ။ ပန်းကန်တစ်လုံးထဲမှာကြက်သွန်ဖြူ၊ငရုတ်သီးတောင့်ကြိတ်ထားတဲ့အဖတ်တွေထဲငံပြာရည်၊ခနောအသားမှုန့်၊သကြား၊ပါးပါးလှီးထားတဲ့ရှောက်ရွက်တို့ကိုထည့်ပြီးမွှေပေးပါ။အဲ့ဒီအပေါ်ကမှသံပုရာသီးကျန်တဲ့၂လုံးကိုညှစ်ပေးပါ။

နောက်ဆုံးနှပ်ထားတဲ့ပုစွန်အစိမ်းထဲကအိုင်နေတဲ့အချဉ်ရည်တွေကိုဖယ်ထုတ်ပြီးပုစွန်အသားချည်းကျန်ခဲ့တဲ့အထဲကိုဒီအနှစ်လေးတွေထည့်ပြီးနယ်လိုက်ရင်တော်တော်လေးကိုအရသာရှိတဲ့ချဉ်ငံစပ်ပုစွန်အစိမ်းသုပ်လေးရသွားပါပြီလို့။

ပန်းကန်ပြားလေးထဲဖန်ခွက်လေးတွေနဲ့အလှဆင်ပြီးကြိုက်သလိုသုံးဆောင်လို့ရပါပြီဗျို့။