ရှူးရှူးရှဲရှဲ သရက်သီးသုပ်

သရက်သီးကို အခွံခွာပြီး အနေတော်အထူမပါးအမျှင်လေးတွေပေါက်ကာ ရေခဲရေထဲ ခဏ စိမ်ထားပါ။ ကြက်သွန်နီကို ခပ်ပါးပါးလှီးထားပါ။

စိမ်ပြီးသား သရက်သီးကို သကြားနဲ့ ခနောကြက်သားမှုန့်ထည့်ပြီး နယ်ကာ၂မိနစ်လောက် နှပ်ထားပါ။

နှပ်ပြီးသားကိုမှ ကြက်သွန်နီ၊ ငရုတ်သီးမှုန့်၊ ငံပြာရည်၊ ပုစွန်ခြောက်မှုန့်နဲ့ ငါးပိထောင်းထည့်ပြီးနယ်ပါ။

ငါးပိထောင်းတွေပါ ကြေပြီး သေချာနှံ့မှ ရေခဲသေတ္တာထဲ ၁၀မိနစ်လောက် နှပ်ထားပေးနော်။

ပြီးတာနဲ့ အရသာရှိရှိချဉ်ငန်စပ်စပ်နဲ့ မိန်းကလေးတွေအကြိုက် သွားရည်ယိုစရာသရက်သီးသုပ်လေးကိုသုံးဆောင်နိုင်ပါပြီ။