မြိုင်မြိုင်ဆိုင်ဆိုင် မိသားစုသီးစုံဟင်း

မြိုင်မြိုင်ဆိုင်ဆိုင် မိသားစုသီးစုံဟင်း

30 မိနစ်

5 ဦးစာ

အလယ်အလတ်

နာမည်လေးအတိုင်း မိသားစုတွေ အရသာရှိရှိ အဝစားနိုင်မယ့် မိသားစုသီးစုံဟင်းချက်နည်းလေးကို ပြောပြပေးသွာမှာပဲ ဖြစ်ပါတယ်။ အားလုံးကြိုက်တဲ့ ကြက်သားလေးအပြင် အသီးအရွက်အစုံအလင်ထည့်ချက်ထားတာမို့ သာမာန်ဟင်းတွေထက် အရသာပိုရှိပြီး ထမင်းမြိန်စေမှာပါနော်...

ပါဝင်ပစ္စည်းများ

  • အုန်းနို့ ထမင်းစားဇွန်း ၂ ဇွန်း
  • ကြက်သွန်နီ ၂ လုံး
  • ဆီ ထမင်းစားဇွန်း ၂ ဇွန်း
  • ပန်းဂေါ်ဖီ ၁ တစ်စိတ်စာ
  • ပန်းဂေါ်ဖီစိမ်း ၁ စိတ်
  • အာလူး ၁ လုံး
  • ပဲသီးရှည် ၁ စည်း
  • ငရုတ်ပွအနီ ၁ ခြမ်း
  • ပြောင်းဖူးအသေး ၅ ခု
  • ပင်စိမ်း ၃ ပင်
  • မုန်လာဥနီ ၁ ဥ
  • ရုံးပတီသီး ၅ တောင့်
  • ဖရုံသခွား ၁ လုံး
  • သရက်သီးခြောက် ၅ ကျပ်သား
  • ခနောကြက်သားမှုန့် ထမင်းစားဇွန်း ၁ ဇွန်းခွဲ
  • ကြက်သွန်ဖြူ ၃ မွှာ
  • ကြက်သွန်နီ ၃ လုံး
  • နနွင်းမှုန့် လက်ဖက်စားဇွန်း ၁ ဇွန်း
  • အရောင်တင်မှုန့် လက်ဖက်စားဇွန်း ၂ ဇွန်းခွဲ
  • ဆီ ထမင်းစားဇွန်း ၂ ဇွန်း
  • ငံပြာရည် လက်ဖက်စားဇွန်း ၂ ဇွန်း
  • ဆား အနည်းငယ်
  • ချင်း လက် ၁ ဆစ်
  • ငရုတ်သီးစိမ်း ၈ တောင့်

ချက်ပြုတ်ပြင်ဆင်ပုံ

  1. အရင်ဦးဆုံး ကြက်သားတုံးလေးတွေကို ခနောကြက်သားမှုန့်၊ နနွင်းမှုန့်တို့နဲ့ နယ်ကာ နှပ်ထားပေးပါ။

  2. ဒယ်အိုးထဲမှာ ဆီထည့်ပြီး ဆီပူလာရင်တော့ ဟင်းအနှစ်လုပ်ဖို့အတွက် ငံပြာရည်နဲ့ ငရုတ်သီးစိမ်းကလွဲလို့ ကျန်ပါဝင်ပစ္စည်းတွေကိုထည့်ပြီး ဆီသတ်ပေးပါ။

  3. ကြက်သွန်လေးတွေ နွမ်းပြီး ဆီသတ်နံ့လေးမွှေးလာရင်တော့ ငံပြာရည်နဲ့ ုငရုတ်သီးစိမ်းထည့်ပြီး နှံ့အောင်မွှေပေးပါနော်။

  4. ပြီးရင်တော့ ကြက်သားတုံးလေးတွေထည့်ပြီး နှံ့အောင်မွှေကာ ချက်ပေးပါ။

  5. ကြက်သားတုံးလေးတွေကို ရေမြုပ်တောင်ထည့်ပြီး အဖုံးအုပ်ထားပါ။ ရေဆူလာရင်တော့ မုန်လာဥဖြူ၊ မုန်လာဥနီ၊ ဂေါ်ရခါးသီးများကိုထည့်ပေးပါ။

  6. မိနစ်အနည်းငယ်ကြာရင်တော့ ဖယုံသခွား၊ ထောပတ်ခရမ်းသီး၊ ခရမ်းသီးအပြင် ကျန်အသီးအရွက်တွေကိုထည့်ပေးပါ။

  7. ၁၅ မိနစ်လောက်ကြာရင်တော့ ကျန်သော ပါဝင်ပစ္စည်းတွေထည့်ပြီး ဆူပွက်နေအောင်တည်ပေးပါနော်။

  8. ရေဆူပြီး အသားလေးနဲ့ အသီးအရွက်တွေပါ နူးလာရင်တော့ အရသာအပေါ့အငန်မြည်းကြည့်ပြီး လိုအပ်ရင် ခနောကြက်သားမှုန့်ထည့်နိုင်ပါတယ်။

  9. ဟင်းအိုးကျက်ခါနီးရင်တော့ နံနံပင်လေးအုပ်ပြီး အရသာရှိစွာ သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent