မြိုင်မြိုင်ဆိုင်ဆိုင် မိသားစုသီးစုံဟင်း

အရင်ဦးဆုံး ကြက်သားတုံးလေးတွေကို ခနောကြက်သားမှုန့်၊ နနွင်းမှုန့်တို့နဲ့ နယ်ကာ နှပ်ထားပေးပါ။

ဒယ်အိုးထဲမှာ ဆီထည့်ပြီး ဆီပူလာရင်တော့ ဟင်းအနှစ်လုပ်ဖို့အတွက် ငံပြာရည်နဲ့ ငရုတ်သီးစိမ်းကလွဲလို့ ကျန်ပါဝင်ပစ္စည်းတွေကိုထည့်ပြီး ဆီသတ်ပေးပါ။

ကြက်သွန်လေးတွေ နွမ်းပြီး ဆီသတ်နံ့လေးမွှေးလာရင်တော့ ငံပြာရည်နဲ့ ုငရုတ်သီးစိမ်းထည့်ပြီး နှံ့အောင်မွှေပေးပါနော်။

ပြီးရင်တော့ ကြက်သားတုံးလေးတွေထည့်ပြီး နှံ့အောင်မွှေကာ ချက်ပေးပါ။

ကြက်သားတုံးလေးတွေကို ရေမြုပ်တောင်ထည့်ပြီး အဖုံးအုပ်ထားပါ။ ရေဆူလာရင်တော့ မုန်လာဥဖြူ၊ မုန်လာဥနီ၊ ဂေါ်ရခါးသီးများကိုထည့်ပေးပါ။

မိနစ်အနည်းငယ်ကြာရင်တော့ ဖယုံသခွား၊ ထောပတ်ခရမ်းသီး၊ ခရမ်းသီးအပြင် ကျန်အသီးအရွက်တွေကိုထည့်ပေးပါ။

၁၅ မိနစ်လောက်ကြာရင်တော့ ကျန်သော ပါဝင်ပစ္စည်းတွေထည့်ပြီး ဆူပွက်နေအောင်တည်ပေးပါနော်။

ရေဆူပြီး အသားလေးနဲ့ အသီးအရွက်တွေပါ နူးလာရင်တော့ အရသာအပေါ့အငန်မြည်းကြည့်ပြီး လိုအပ်ရင် ခနောကြက်သားမှုန့်ထည့်နိုင်ပါတယ်။

ဟင်းအိုးကျက်ခါနီးရင်တော့ နံနံပင်လေးအုပ်ပြီး အရသာရှိစွာ သုံးဆောင်နိုင်ပါပြီ။