မြန်မာ့ထမင်းဝိုင်းရဲ့ စားမြိန်ဖွယ် ငါးရံ့နှင့်ချဉ်ပေါင်ဟင်း

မြန်မာ့ထမင်းဝိုင်းရဲ့ စားမြိန်ဖွယ် ငါးရံ့နှင့်ချဉ်ပေါင်ဟင်း

30 မိနစ်

3 ဦးစာ

အလယ်အလတ်

မြန်မာတို့အကြိုက် တစ်မျိုးထဲနဲ့ ထမင်းမြိန်စေမယ့် ငါးရံ့နဲ့ ချဉ်ပေါင်းဟင်းကို အချိုးကျနစွာ ချက်စားနိုင်မယ့်နည်းလေးကို ပြောပြပေးမယ်နော်။ အရသာရှိတဲ့ ငါးရံ့လေးကိုမှ ချဉ်ပေါင်လေးနဲ့ ရောချက်ထားတာမို့ တခြားဟင်းတွေ ထပ်မလိုတော့အောင် ပြီးပြည့်စုံစေမှာပါ။ မြန်မာတို့အကြိုက် ငါးပိရည်လေးနဲ့သာဆိုရင် အရမ်းကိုထမင်းစားမြိန်စေမှာ အသေအချာပါပဲနော်။

ပါဝင်ပစ္စည်းများ

  • ငါးရံ့ ၂၅ ကျပ်သား
  • ချဉ်ပေါင်ရွက် ၁၀ ကျပ်သား
  • မျှစ် ၆ ကျပ်သား
  • ရုံးပတီသီး ၁၀ တောင့်
  • ငရုတ်သီးစိမ်း ၁၀ တောင့်
  • ကြက်သွန်ဖြူ ၅ တက်
  • ကြက်သွန်နီ ၁ လုံး
  • ငရုတ်ခြောက် ၃ တောင့်
  • ချင်း အနည်းငယ်
  • နနွင်းမှုန့် လက်ဖက်စားဇွန်း ၁ ဝက်
  • ခနောကြက်သားမှုန့် လက်ဖက်စားဇွန်း ၂ ဇွန်း
  • ဆား လက်ဖက်စားဇွန်း ၁ ဇွန်း
  • မျှင်ငါးပိ ထမင်းစားဇွန်း ၁ ဇွန်း
  • ငရုတ်ကောင်းမှုန့် အနည်းငယ်
  • ငံပြာရည် ထမင်းစားဇွန်း ၂ ဇွန်း
  • ဆီ ထမင်းစားဇွန်း ၃ ဇွန်း
  • ရေသန့် ၁.၅ လီတာ
  • နံနံပင် အနည်းငယ်

ချက်ပြုတ်ပြင်ဆင်ပုံ

  1. အရင်ဦးဆုံး ငါးရံ့ကို သန့်စင်ပြီး အသားလွှာကာ နနွင်းမှုန့်၊ ဆား၊ ငရုတ်ကောင်းမှုန့်၊ ငံပြာရည်တို့နဲ့နယ်ပြီး အရသာသွင်းထားပါ။

  2. အသီးအရွက်တွေဖြစ်တဲ့ ချဉ်ပေါင်ရွက်ကိုသင်ထားပြီး မျှစ်နဲ့ ရုံးပတီသီးကိုတော့ နှစ်သက်သလို လှီးဖြတ်ထားပါ။

  3. ဆီသတ်ဖို့အတွက် ချင်း ၊ ကြက်သွန်ဖြူ ၊ ကြက်သွန်နီ၊ အစေ့ထုတ်ကာ ရေစိမ်ထားသော ငရုတ်သီးခြောက်တို့ကို ထောင်းထားရပါမယ်နော်။

  4. ချဉ်ပေါင်ရွက်ထဲပါ အရသာဝင်စေဖို့အတွက် မျှင်ငါးပိ ၊ ငါးငံပြာရည် ၊ ဆား ၊ ခနောကြက်သားမှုန့်၊ ငရုပ်ကောင်းမှုန့်၊ ရေအနည်းငယ်တို့ထည့်ပြီး ချေကာမွှေပေးထားပါ။

  5. အားလုံးအဆင်သင့်ဖြစ်ရင်တော့ ဆီသတ်လို့ရပါပြီ။ ဒယ်အိုးထဲမှာ ဆီထည့်ပြီး ထောင်းထားတဲ့ ငရုတ်သီးအနှစ်ကိုဆီသတ်ပါ။

  6. ပြီးရင် အရသာသွင်းထားတဲ့ ငါးရံ့အသားလွှာကို ထည့်ပြီးဆီသတ်ပါ။ မိနစ်အနည်းငယ်ကြာရင်တော့ အရသာသွင်းထားတဲ့ ချဉ်ပေါင်ရွက်နဲ့ မျှစ်ကိုထည့်လိုက်ပါနော်။

  7. ဟင်းပွဲတစ်ခုလုံး အရသာရှိပြီး ထမင်းစားကောင်းစေဖို့အတွက် မျှင်ငါးပိ ၊ ငါးငံပြာရည် ၊ ခနောကြက်သားမှုန့်၊ ငရုပ်ကောင်းမှုန့်၊ ဆား ၊ နံနံပင်နဲ့ ရေသန့်ထည့်ပြီး ချက်ပေးပါ။

  8. အနံ့လေးလည်းမွှေးပြီး ကျက်ပြီဆိုရင်တော့ ငရုတ်သီးစိမ်း၊ ရုံးပတီသီး၊ နံနံပင်တို့အုပ်ကာ မြိန်ရည်ရှက်ရည်သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent