မြန်မာတို့ရဲ့ မရှိမဖြစ် ရိုးရာငါးပိရည်တို့စရာ

ရေကျိုငါးပိ ၅ ကျပ်သားကို ရေမြုပ်အောင်ထည့်ပြီး နနွင်းမှုန့်ထည့်ကာ တည်ထားပေးပါ။

ရေပွက်လာတဲ့အခါမှာတော့ အရိုးနဲ့ အသားကွဲအောင် မွှေပေးပြီး အိုးမှ ချပါ။

ကျိုထားတဲ့ ငါးပိရည်လေးကို ပန်းကန်လုံးတစ်လုံးထဲမှာ ဇကာနဲ့ အရိုးတွေ စစ်ပြီး ထည့်ထားပေးပါ။

ပြီးရင်တော့ ဓားပြားရိုက်ထားတဲ့ ကြက်သွန်ဖြူ၊ ငရုတ်သီးအလှော်ထောင်း၊ ထောင်းထားတဲ့ ငရုတ်သီးစိမ်းနဲ့ ပုစွန်ခြောက်မှုန့်လေးကို ငါးပိရည်ကျိုလေးထဲထည့်ပြီး ရောမွှေပေးလိုက်ရင် ငါးပိ ရည်ကျိုမွှေးမွှေးလေးရပါပြီနော်။

ဒီ ငါးပိရည်ကျိုမွှေးမွှေးလေးကိုတော့ လှီးထားတဲ့ သခွားသီးကွင်းလေးတွေ၊ ရုံးပတီသီးပြုတ်၊ ဆလပ်ရွက်၊ မုန်လာဥနီစတဲ့ အတို့အမြှုပ်စုံစုံနဲ့ သုံးဆောင်လို့ရပါပြီ။