ဗီတာမင် C ကြွယ်၀ပြီး အရသာရှိတဲ့ ငါးဒန့်သလွန်သီး ချဥ်ရည်ဟင်းချက်နည်း

ဗီတာမင် C ကြွယ်၀ပြီး အရသာရှိတဲ့ ငါးဒန့်သလွန်သီး ချဥ်ရည်ဟင်းချက်နည်း

35 မိနစ်

4 ဦးစာ

အလယ်အလတ်

How to Cook ပရိသတ်ကြီးရေ။ မိသားစုအတွက် အာဟာရပြည့်၀ပြီး ထမင်းမြိန်စေမယ့် ဟင်းတစ်ခွက်ကို မိတ်ဆက်ပေးချင်ပါတယ်။ မိသားစုကိုယ်ခံအားစနစ်ကို မြှင့်တင်ပေးနိုင်ပြီး ဗီတာမင် C ကြွယ်၀စွာပါ၀င်တဲ့ ငါးဒန့်သလွန်သီးချဥ်ရည်ဟင်းလေးပါပဲ။ ချဥ်ရည်ဟင်းအရသာလေးက အအီပြေပြီး ထမင်းစားမြိန်စေပါတယ်။ ဗီတာမင် C ကြွယ်၀တဲ့ ငါးဒန့်သလွန်သီးချဥ်ရည်ဟင်းလေးကို အချိုးအစားညီမျှတဲ့ အချဥ်အရသာကို တစ်ဇွန်းတည်းနဲ့ ပေးစွမ်းနိုင်တဲ့ ခနောချဥ်ပြုံးပြုံး မန်ကျည်းဟင်းခတ်မှုန့်လေးနဲ့ အခုပဲ ချက်လိုက်ရအောင်။

ပါဝင်ပစ္စည်းများ

  • ငါးရံ့ အကောင်သေး ၁ ကောင် ၊ သန့်စင်ပြီး တုံးထားပါ
  • ဒန့်သလွန်သီး ၃ ချောင်း ၊ အနေတော်ဖြတ်ထားပါ
  • ခရမ်းချဥ်သီး ၂ လုံး
  • နနွင်းမှုန့် အနည်းငယ်
  • ကြက်သွန်နီ ၁ လုံး
  • ကြက်သွန်ဖြူ ၂ တက်
  • အရောင်တင်မှုန့် အနည်းငယ်
  • မျှင်ငါးပိ လက်ဖက်စားဇွန်း တစ်ဝက်
  • ဆား လက်ဖက်စားဇွန်း ၄ ပုံ ၁ ပုံ
  • ဟင်းခတ်မှုန့် အနည်းငယ်
  • ဆီ ထမင်းစားဇွန်း ၁ ဇွန်း
  • ချဥ်ပြုံးပြုံးမန်ကျည်းအရသာမှုန့် လက်ဖက်စားဇွန်း ၁ ဇွန်း
  • ရေ ၁ လီတာ

ချက်ပြုတ်ပြင်ဆင်ပုံ

  1. ငါးတုံးများကို ဆား နနွင်းတို့ဖြင့် နယ်ပြီး နှပ်ထားပါ။

  2. ကြက်သွန်ဖြူ၊ ကြက်သွန်နီတို့ကို ညက်အောင်ထောင်း၊ အရောင်တင်မှုန့်နှင့် ငါးပိစိမ်းစား ရောထည့်၊ ဆီထည့်ပြီး ငါးတုံးများနှင့် လုံးပြီးတည်ထားပါ။

  3. ငါးတုံးလေးများ အသားတင်းပြီးခြောက်လာလျှင် ငါးတုံးလေးများကို ခဏ ခပ်ဖယ်ထားပြီး ဒန့်သလွန်သီးများထည့်ပြီး အရောင်ပြောင်းသည်အထိ ခဏမွှေထားပေးပါ။

  4. ရေထည့်ပြီး ဆူလာလျှင် ခရမ်းချဉ်သီး၊ ဟင်းခတ်မှုန့် ထည့်ပေးပါ၊ ရေအနည်းငယ်ကျလျှင် ငါးတုံးလေးများ ခပ်ပေးပါ။

  5. နောက်ဆုံးမှာ ချဉ်ပြုံးပြုံးမန်ကျည်း အရသာမှုန့် လက်ဖက်စားဇွန်းတစ်ဇွန်း ထည့်မွှေကာ ရေဆူအောင်တည်ပြီး သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent