ပုစွန်ချစ်သူတို့ အသဲစွဲ ဘုံလုံသီး ပုစွန်အစာသွပ်ချက်

ပုစွန်ချစ်သူတို့ အသဲစွဲ ဘုံလုံသီး ပုစွန်အစာသွပ်ချက်

30 မိနစ်

4 ဦးစာ

အလယ်အလတ်

ပုစွန်ချစ်သူတွေအတွက် နာမည်ကြားတာနဲ့ စားချင်စိတ်ဖြစ်သွားမယ့် ဘုံလုံသီး ပုစွန်အစာသွပ်ချက် လုပ်နည်းလေး ပြောပြပေးပါမယ်နော်။ လုပ်ရတာလဲ အရမ်းလွယ်ပြီး အရသာလဲရှိတဲ့ အတွက် လူတိုင်းကြိုက်ကြမယ့် ဟင်းလေး ဖြစ်ပါတယ်။

ပါဝင်ပစ္စည်းများ

  • ဘုံလုံသီး ၅၀ ကျပ်သား
  • ပုစွန်စိပ် ၂၅ ကျပ်သား
  • ကြက်သွန်ဖြူ ၁၀ တတ်
  • ကြက်သွန်နီ ၂ လုံး
  • ချင်း အနည်းငယ်
  • စပါးလင် ၂ ပင်
  • နနွင်းမှုန့် လက်ဖက်ရည်ဇွန်း ၁ ဝက်
  • ခနောကြက်သားမှုန့် လက်ဖက်ရည်ဇွန်း ၂ ဇွန်း
  • မျှင်ငါးပိ လက်ဖက်ရည်ဇွန်း ၁ ဇွန်း
  • ငရုပ်ကောင်းမှုန့် အနည်းငယ်
  • ငါးငံပြာရည် ထမင်းစားဇွန်း ၁ ဇွန်း
  • ပဲဆီသန့် ထမင်းစားဇွန်း ၂ ဇွန်း
  • ရေသန့် ၁ လီတာ
  • ငရုပ်သီးစိမ်း ၁၀ တောင့်
  • နံနံပင် အနည်းငယ်

ချက်ပြုတ်ပြင်ဆင်ပုံ

  1. ဘုံလုံသီး ကို ၂ လက်မ ခန့်လှီးဖြတ်ကာ အစေ့ထုတ်ပြီး ရေစိမ်ထားပါ။

  2. ပုစွန်စိပ် ကို ကြက်သွန်ဖြူ၊ ကြက်သွန်နီ၊ ချင်း၊ ငရုပ်သီးစိမ်း၊ ခနောကြက်သားမှုန့်၊ ငရုပ်ကောင်းမှုန့်တို့နဲ့ ကျေညက်အောင်ကြိတ်ပြီး အသင့်သန့်စင်ထားသော ဘုံလုံသီးထဲသို့ အစာသွပ်ထားပါ။

  3. ဒယ်အိုးကို ပဲဆီသန့်နဲ့ အပူပေးပြီး နနွင်းမှုန့်၊ ချင်း၊ ကြက်သွန်နီ၊ ကြက်သွန်ဖြူ ၊ စပါးလင်တို့ ထည့်ပြီး ဆီသတ်ပါ။

  4. ဟင်းအနှစ်ဆီပြန်လာရင်တော့ အသင့်အစာသွပ်ထားတဲ့ ဘုံလုံသီးပုစွန်အစာသွပ်ကို ထည့်ပြီး အရသာအတွက် မျှင်ငါးပိ၊ ငါးငံပြာရည်နဲ့ ငရုပ်သီးစိမ်း အနည်းငယ်ထည့်ချက်ပါ။

  5. ဘုံလုံသီး အနည်းငယ်ကျက်ရင် ရေသန့်ထည့်ပြီး ခနောကြက်သားမှုန့်၊ ငရုပ်ကောင်းမှုန့်၊ မျှင်ငါးပိ၊ ငါးငံပြာရည်တို့ ထပ်ဖြည့်ပြီး ဘုံလုံသီးပုစွန်အစာသွပ်နူးသည်အထိ မီးပျော့ပျော့နဲ့ ချက်ပေးပါ။

  6. ဘုံလုံသီးပုစွန်အစာသွပ် နူးသွားရင်တော့ ငရုပ်သီးစိမ်းနဲ့ နံနံပင်အနည်းငယ်အုပ်ပြီး ထမင်းပူပူလေးနဲ့ စားလို့ရပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent