ပါးစပ်ထဲတင် အရည်ပျော်ကျမယ့် နူးညံ့အိစက်ဝက်သားမြေအိုးပေါင်း

ပထမဆုံးဝက်သားကို ခနောကြက်သားမှုန့်နဲ့ နယ်ပြီး ၁နာရီ-၂နာရီ နှပ်ထားပေးပါ။ အခေါက်ထဲထိ စိမ့်ဝင်အောင် အသားကို ခက်ရင်းခွလေးနဲ့ ဖောက်ဖောက်ထားရင် ပိုကောင်းတယ်နော်။

အိုးကို မီးအသင့်အတင့်အပူပေးပြီး ဆီ လဘက်ရည်ဇွန်း ၅ ဇွန်းထည့်ပါ။ ထောင်းပြီးသား ကြက်သွန်ဖြူနဲ့ဂျင်းကို ၁မိနစ်-၂ မိနစ်လောက် ဆီသတ်ပါ။ ပြီးရင် နှပ်ထားတဲ့ ဝက်သားကို အိုးထဲထည့်၊ ရေ ၄၅၀ မီလီလီတာထည့်ပြီး ရေခန်းလုနီးပါး တည်ထားပါ။

ဝက်သားနည်းနည်းအိလာဖို့ မိနစ် ၂၀ - ၃၀ နီးပါး ချက်ပြီးပြီဆိုရင် ပဲငံပြာရည်အကြည်၊ ပဲငံပြာရည်အနောက်၊ဆီ၊ ခရုဆီထည့်၊ သေချာမွှေပြီး ပြန်တည်ထားပါ။

ဝက်သုံးထပ်သားကို အိုးထဲက ထုတ်ပြီး ၄ စင်တီမီတာအထူအတုံးတွေ လှီးပါ။

မြေအိုးအသစ်ထဲကို အသားနဲ့ အမယ်စုံပြောင်းထည့်ပြီး နာနတ်ပွင့်၊ အပ်မှို၊ ထိုင်ဝမ်မုန်ညင်းရွက်အနည်းငယ်နဲ့ ရေ ၂၅၀ မီလီမီတာထည့်ပြီး ၁၀ မိနစ်ခန့် တည်ထားပေးပါ။

ပြီးရင်တော့ အရည်စွက်စွက်လေးနဲ့ ဝက်သားမြေအိုးပေါင်းလေးကို ထမင်းနဲ့ သုံးဆောင်နိုင်ပါပြီ။