နူးနူးအိအိ ဘဲသားအချဉ်ဆီပြန်

အရင်ဦးဆုံး ဘဲသားလေးတွေကို ရေဆေးသန့်စင်ပြီး နှစ်သက်သလို လှီးဖြတ်ထားတာ ခနောကြက်သားမှုန့်၊ ငရုတ်ကောင်းမှုန့်၊ နနွင်းမှုန့်၊ သံပုရာရည်တို့နဲ့ နယ်ပြီး (၁၅)မိနစ်ခန့် နှပ်ထားပေးပါ။

ဟင်းအနှစ်ရဖို့အတွက် ငရုတ်ပွခြောက်၊ ကြက်သွန်နီ၊ ကြက်သွန်ဖြူ၊ ချင်းတို့ကို ညက်နေအောင် ထောင်းထားပေးပါနော်။

မန်ကျည်းသီးမှည့်ကို ရေနွေးအနည်းငယ်နဲ့ အနှစ်ဖျော်ထားပြီး ငရုတ်သီးစိမ်းလေးတွေနဲ့ နံနံပင်လေးတွေကိုတော့ ညှပ်ထားပြီး ရေစိပ်ထားပေးပါ။

ဒယ်အိုးထဲမှာ ဆီထည့်ပြီး ဆီဆူလာတဲ့အခါ ထောင်းထားတဲ့ ငရုတ်နှစ်လေးကို နနွင်းမှုန့်လေးနဲ့ ဆီသတ်ကာ ငံပြာရည်လေးပါ ထည့်ချက်ပေးပါနော်။

ကြက်သွန်လေးလည်းနွမ်းပြီး ဆီသတ်နံ့လေးလည်း မွှေးလာပြီဆိုရင်တော့ ဘဲသားလေးကိုထည့်ချက်ပြီး မီးပျော့ပျော့လေးနဲ့ ဆီပြန်လာတဲ့အထိ တည်ထားပေးပါ။

ဘဲသားလေးလည်းဆီပြန်လာပြီဆိုရင်တော့ ဇီယာမှုန့်၊ ရေသန့်အနည်းငယ်ထည့်ပြီး နူးအိလာတဲ့အထိ ချက်ပေးပါနော်။

ဘဲသားလေးတွေ နူးလာပြီဆိုရင်တော့ မန်ကျည်းနှစ်ထည့်ပြီး မိနစ်အနည်းငယ်ကြာရင်တော့ ငရုတ်သီးစိမ်း၊ နံနံပင်အုပ်ပြီး အရသာရှိစွာ သုံးဆောင်နိုင်ပါပြီ။