ထူးခြားတဲ့အရသာကို ပေးစွမ်းမယ့် ဘူးညွန့်နှင့် ငါးကျည်းခြောက်ကြော်

အရင်ဦးဆုံး ငါးကျည်းခြောက်လေးတွေကို ရေစိမ်ပြီး အသားလေးတွေ နွင်ထားပေးပါ။

ဘူးညွှန့်လေးတွေကိုတော့ အရွက်ခြွေကာ သန့်စင်ထားပေးပါနော်။

ဆီသတ်ဖို့အတွက် ကြက်သွန်ဖြူ၊ ကြက်သွန်နီ၊ ချင်းနဲ့ နနွင်းမှုန့်တို့ကို ညက်နေအောင်ထောင်းထားပေးပါ။

အားလုံးပြင်ဆင်ပြီးပြီဆိုရင်တော့ ဒယ်အိုးထဲမှာ ဆီထည့်ပြီး ဆီပူလာတဲ့အခါ ထောင်းထားတဲ့ ကြက်သွန်အနှစ်လေးထည့်ပြီး ဆီသတ်ပေးပါ။

ကြက်သွန်နံ့လေးမွှေးလာပြီဆိုရင်တော့ အသားနွင်ထားတဲ့ ငါးကျည်းခြောက်လေးတွေထည့်ပြီး ကြော်ပေးပါနော်။

ငါးကျည်းခြောက်လေး ကျက်လာပြီဆိုရင်တော့ သန့်စင်ထားတဲ့ ဘူးညွှန့်လေးတွေကိုထည့်ကြော်ပါ။

အားလုံး နူးပြီးကျက်စေဖို့အတွက်ကတော့ ရေအနည်းငယ်ထည့်ချက်ပေးပါနော်။

အရသာအတွက် ဟင်းပွဲတိုင်းကို အရသာရှိစေမယ့် ခနောကြက်သားမှုန့်၊ ငရုတ်ကောင်းမှုန့်တို့ထည့်ပြီး နှံ့အောင်မွှေကာ ချက်ပေးပါ။

အရည်လေးလည်းခမ်း ငါးကျည်းခြောက်လေးနဲ့ ဘူးညွှန့်လေးလည်း ကျက်လာပြီဆိုရင်တော့ ငရုတ်သီးစိမ်းလေးအုပ်ပြီး အလှဆင်ကာ အရသာရှိစွာ သုံးဆောင်နိုင်ပါပြီ။