ထမင်းမြိန်စေမယ့် အရံဟင်း ပဲပုတ်စေ့ကန်စွန်းရွက်ကြော်

အရင်ဦးဆုံး ကန်စွန်းရွက်လေးတွေကို သင်ထားပြီး အရိုးလေးတွေကိုတော့ ထပ်ခြမ်းခြမ်းထားပေးပါ။

ကြက်သွန်ဖြူလေးတွေနဲ့ ချင်းလေးတွေကိုတော့ ဓါးပြားရိုက်ထားပါ။

ငရုတ်သီးစိမ်းလေးတွေကိုတော့ ခွဲခြမ်းပေးထားပါနော်။

ဒယ်အိုးထဲမှာ ဆီထည့်ပြီး ဆီပူလာရင်တော့ ကြက်သွန်ဖြူနဲ့ ချင်းလေးတွေကို အရင်ထည့်ကြော်ပါ။

ပြီးရင်တော့ ကန်စွန်းရွက်လေးတွေနဲ့ ငရုတ်သီးစိမ်းလေးတွေကို ထည့်ကြော်ပေးပါ။

ပဲပုတ်စေ့လေးတွေထည့်ပါ၊ အရသာအတွက် ခနောကြက်သားမှုန့်၊ ဆား၊ ပဲငံပြာရည်အချိုတို့ထည့်ပြီး အရသာစပ်ပါ။

ကန်စွန်းရွက်နဲ့ အရိုးလေးတွေ နူးလာဖို့အတွက် လိုအပ်ရင် ရေအနည်းငယ်တောက်ပေးပါ။

မိနစ်အနည်းငယ်ကြာရင်တော့ အရသာရှိပြီး ထမင်းမြိန်စရာ ပဲပုတ်စေ့ကန်စွန်းရွက်ကြော်လေး ရပြီဖြစ်ပါတယ်။