တောရွှာလေးထဲရောက်သလို ခံစားရစေမယ့် ကြက်သားသီးရွက်စုံ တောချက်ဟင်း

အရင်ဦးဆုံး ကြက်သားများကို သန့်စင်ပြီး မညီမညာတုံးကာ ခနောကြက်သားမှုန့် (လက်ဖက်စားဇွန်း ၄ ဇွန်းခွဲ)နဲ့ နယ်ပြီး နှပ်ထားပေးပါနော်။

ဆီသတ်ဖို့အတွက် ကြက်သွန်ဖြူ၊ ကြက်သွန်နီနဲ့ ချင်းကို ထောင်းထားပြီး စပါးလင်ကို ထုချေထားကာ ငရုတ်သီးစိမ်းကို အနေတော်လှီးထားပေးပါ။

ဒယ်အိုးထဲမှာ ဆီသတ်ဖို့ ဆီပူလာပြီဆိုရင်တော့ ထောင်းထားတဲ့ ကြက်သွန်နှစ်၊ နနွင်းမှုန့်၊ စပါးလင်၊ ငရုတ်သီးစိမ်းတို့ထည့်ပြီး မွှေကာ ဆီသတ်ပေးနိုင်ပါတယ်။

ဆီသတ်နံ့လေးမွှေးလာရင်တော့ ငပိထည့်ပြီး မွှေကာချေပေးပါ၊ ပြီးရင်တော့ ကြက်သားတုံးတွေထည့်လိုက်ပါ။

ကြက်သားလေးတွေ နူးလာဖို့အတွက် ရေထည့်ချက်ပါ။ ကြက်သားတွေ နူးခါစပြုလာရင်တော့ မျှစ်၊ ပဲသီးတို့ထည့်ပြီး အသာအယာမွှေကာ ချက်ပေးပါနော်။

မျှစ်နဲ့ ပဲသီးလေးတွေ နူးလာရင်တော့ ချဉ်ပေါင်နဲ့ ကျန်ပါဝင်ပစ္စည်းတွေထည့်ပြီး ရေထပ်ထည့်ပါနော်။

အရသာအပေါ့အငန်အတွက် လိုအပ်ရင် ခနောကြက်သားမှုန့်ထပ်ထည့်နိုင်ပြီး မိနစ်အနည်းငယ်ကြာရင်တော့ တောဓလေ့ကို အောင့်မေ့စရာ ကြက်သားသီးရွက်စုံတောချက်လေး ရပါပြီ။