တစ်လုပ်စားလိုက်တာနဲ့ ထိမိသွားစေမယ့် မှိုအစုံကြော်နည်း

တစ်လုပ်စားလိုက်တာနဲ့ ထိမိသွားစေမယ့် မှိုအစုံကြော်နည်း

30 မိနစ်

3 ဦးစာ

လွယ်သော

ဒီတစ်ခေါက်တော့ အသီးအရွက်ချစ်သူများ အကြိုက်တွေ့သွားစေမယ့် မှိုအစုံကြော်နည်းလေး ပြပေးလိုက်ပါတယ်နော်။ အရံဟင်းကောင်းလေးတစ်ခုလဲ ဖြစ်လို့ အိမ်ရှင်မများ ချက်ကို ချက်ကြည့်သင့်တဲ့ ဟင်း‌လေးဖြစ်ပါတယ်။ ကဲ..မှိုအစုံကြော်နည်းလေးကို ကြည့်လိုက်ကြရ‌အောင်

ပါဝင်ပစ္စည်းများ

  • မှိုအစုံ ၃၀ ကျပ်သား
  • ပတဲကော လက် ၂ ဆစ်
  • ကြက်သွန်ဖြူ ၂ မွှာ
  • ငရုတ်သီးစိမ်း ၂ တောင့်
  • ခနော်ကြက်သားမှုန့် လက်ဖက်ရည်ဇွန်း ၂ ဇွန်း
  • ငံပြာရည် လက်ဖက်ရည်ဇွန်း ၁ ဝက်
  • ပင်စိမ်း ၂ ပင်
  • ပဲဆီ လက်ဖက်ရည်ဇွန်း ၂ ဇွန်းခွဲ
  • ငရုတ်သီးအနှစ် လက်ဖက်ရည်ဇွန်း ၁ ဝက်

ချက်ပြုတ်ပြင်ဆင်ပုံ

  1. အရင်ဦးဆုံး မှိုလေးတွေကို အနေတော်လှီးထားပြီး ပဒဲကောလေးတွေကိုတော့ ပါးပါးလှီးထားပေးပါ။

  2. ကြက်သွန်ဖြူလေးတွေကို ဓါးပြားရိုက်ထားပြီး ငရုတ်သီးစိမ်းလေးတွေကိုတော့ ပါးပါးလှီးထားပါ။

  3. ပင်စိမ်းရွက်လေးတွေကိုတော့ ရေဆေးပြီး အရွက်သင်ထားပေးပါနော်။

  4. ဒယ်အိုးထဲ ဆီထည့်ပြီး အပူပေးပါ။ ဆီပူလာပြီဆိုရင်တော့ ပတဲကော၊ ငရုတ်သီးစိမ်း၊ ကြက်သွန်ဖြူ ထည့်ပြီး ၂ မိနစ်လောက် ကြော်ပါ။

  5. ကြက်သွန်ဖြူ မွှေးလာရင် မှိုများထည့်ပြီး ၂ မိနစ်လောက် ထပ်တည်ပါ။

  6. ပြီးရင်တော့ ကျန်ပါဝင်ပစ္စည်းများ ထပ်ထည့်ပြီး မွှေပေးပါ။ မှိုနွမ်းလာရင်တော့ အရသာအတွက် ဆားမြည်းပြီး လိုသလိုထပ်ဖြည့်လိုက်ပါ။ ပြီးရင်တော့ အရသာရှိတဲ့ မှိုအစုံကြော်ဟင်း‌လေးကို ထမင်းပူပူလေးနဲ့ တွဲပြီးစားလို့ရပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent