တစ်မျိုးထဲနဲ့ လျှာလည်သွားစေမယ့် ဟင်းနုနွယ်မှိုကြော်

တစ်မျိုးထဲနဲ့ လျှာလည်သွားစေမယ့် ဟင်းနုနွယ်မှိုကြော်

20 မိနစ်

3 ဦးစာ

လွယ်သော

အသားဟင်းတွေချည်း ရိုးနေပြီဆိုသူများအတွက် အာဟာရလဲပြည့်ပြီး လူတိုင်း အကြိုက်တွေ့စေမယ့် ဟင်းနုနွယ်မှိုကြော်နည်းလေးကို ပြောပြပေးမယ်နော်။ ပြင်ဆင်ရတာရော ချက်ပြုတ်ရတာပါ လွယ်ကူတဲ့အတွက်ကြောင့် ရုံးချိန်၊ ကျောင်းချိန်အမှီ ထမင်းချိုင့်ထည့်ပေးချင်သူများအတွက်လဲ ဆင်ပြေစေမှာပါ။

ပါဝင်ပစ္စည်းများ

  • ဟင်းနုနွယ် ၂ စည်း
  • ကောက်ရိုးမှို ၁၀ ကျပ်သား
  • ငါးကျည်းခြောက် အနည်းငယ်
  • ကြက်သွန်နီ ၁ လုံး
  • ကြက်သွန်ဖြူ ၅ တတ်
  • ချင်း အနည်းငယ်
  • ငရုပ်ကောင်းမှုန့် လက်ဖက်စားဇွန်း ၁ ဝက်
  • ခနောကြက်သားမှုန့် ထမင်းစားဇွန်း ၁ ဇွန်း
  • နနွင်းမှုန့် လက်ဖက်စားဇွန်း ၁ ဝက်
  • ပဲဆီသန့် ထမင်းစားဇွန်း ၁ ဇွန်း
  • ငရုပ်သီးစိမ်း ၁၀ တောင့်

ချက်ပြုတ်ပြင်ဆင်ပုံ

  1. ပထမဦးဆုံး ငါးကျည်းခြောက်ကို နွင်ရလွယ်အောင်ရေစိမ်ပါ။ ပြီးရင်တော့ အသားလေးတွေ နွင်ကာ သန့်စင်ထားပါ။

  2. ဟင်းနုနွယ်နဲ့ မှိုလေးတွေကိုတော့ ရေစင်အောင်ဆေးပြီး နှစ်သက်သလို သင်ထားပေးပါနော်။

  3. ဆီသတ်ဖို့အတွက် ကြက်သွန်နီ၊ ကြက်သွန်ဖြူနဲ့ ချင်းကို ထောင်းထားပေးပါ။ ပြီးရင်တော့ နနွင်းမှုန့်နဲ့ ငါးကျည်းခြောက်လေးထည့်ပြီး ဆီသတ်ပါ။

  4. ငါးကျည်းခြောက်လေးတွေ အနံ့လေးသင့်ပြီး ကျက်လာရင်တော့ သန့်စင်ထားတဲ့ ဟင်းနုနွယ်နဲ့ မှိုလေးတွေထည့်ပြီး ကြော်ပေးပါနော်။

  5. ဟင်းပွဲလေးကို အရသာရှိသွားစေဖို့အတွက်ကတော့ ခနောကြက်သားမှုန့်၊ ငရုတ်ကောင်းမှုန့်တို့ထည့်ပြီး အနံ့အရသာသွင်းပေးပါ။

  6. ဟင်းနုနွယ်နဲ့ မှိုလေးတွေ နူးလာပြီဆိုရင်တော့ ငရုတ်သီးစိမ်းလေးအုပ်ပြီး နှစ်သက်သလို သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent