တစ်မျိုးထဲနဲ့ ပြီးပြည့်စုံစေမယ့် စွယ်စုံကြက်သားဟင်း

တစ်မျိုးထဲနဲ့ ပြီးပြည့်စုံစေမယ့် စွယ်စုံကြက်သားဟင်း

45 မိနစ်

3 ဦးစာ

အလယ်အလတ်

ကြက်သားကို ဟင်းခတ်အမွှေးအကြိုင်တွေနဲ့ အရသာပိုရှိအောင်ချက်စားချင်သူတွေအတွက် စွယ်စုံးကြက်သားဟင်းချက်နည်းလေးအကြောင်း တင်ဆက်ပေးချင်ပါတယ်။ နာမည်လေးအတိုင်း ဟင်းခတ်အမွှေးအကြိုင်စုံစုံလင်လင်လေးမို့ မိသားစုတွေလည်း အကြိုက်တွေ့စေမှာပါ။

ပါဝင်ပစ္စည်းများ

  • ကြက်သား ၁၅ ကျပ်သား (အတုံးသေး လေးတုံးထားပါ)
  • ကြက်အသဲအမြစ် ၁၅ ကျပ်သား (အတုံးသေး လေးတုံးထားပါ)
  • ခနောကြက်သားမှုန့် ထမင်းစားဇွန်း ၃ ဇွန်း
  • ကြက်သွန်ဖြူ ၃ မွှာ (ထောင်းထားပါ)
  • ကြက်သွန်နီ ၃ လုံး (ထောင်းထားပါ)
  • နနွင်းမှုန့် လက်ဖက်စားဇွန်း ၁ ဇွန်း
  • ဟင်းချက်မှုန့်စုံ ထမင်းစားဇွန်း ၁ ဇွန်း
  • အရောင်တင်မှုန့် လက်ဖက်စားဇွန်း ၁ ဇွန်း
  • ငရုတ်သီးမှုန့် လက်ဖက်စားဇွန်း ၃ ဇွန်း
  • ဆီ ထမင်းစားဇွန်း ၂ ဇွန်း
  • ငံပြာရည် လက်ဖက်စားဇွန်း ၁ ဇွန်း
  • ဆား လက်ဖက်စားဇွန်း ၁ ဝက်
  • ချင်း လက် ၂ ဆစ် (ထောင်းထားပါ)
  • ပျင်းတော်သိန်းရွက် ၅ ရွက်
  • ဇီယာ လက်ဖက်စားဇွန်း ၁ ဝက်
  • ငရုတ်ကောင်း လက်ဖက်စားဇွန်း ၁ ဝက်

ချက်ပြုတ်ပြင်ဆင်ပုံ

  1. ကြက်သားနဲ့ ကြက်သဲမြစ်တွေကို ရေစင်အောင်ဆေးထားပြီး နှစ်သက်သလို လှီးဖြတ်ထားပါ။

  2. ပြီးရင်တော့ ဖန်ဇလုံးကြီးကြီးထဲထည့်ပြီး ခနောကြက်သားမှုန့် (ထမင်းစားဇွန်း ၁ ဇွန်း)၊ နနွင်းမှုန့် တို့နဲ့ နယ်ထားပေးပါ။

  3. ဆီသတ်ဖို့အတွက် ကြက်သွန်ဖြူ၊ ကြက်သွန်နီကိုထောင်းထားပါ။

  4. ဒယ်အိုးထဲမှာ ဆီပူလာရင် ကြက်သွန်ဖြူ၊ ကြက်သွန်နီနဲ့အတူ အမွှေးနံ့သာများထည့်ပြီး ဆီသတ်ပါ။

  5. ဆီသတ်နံ့လေးမွှေးလာရင်တော့ ငံပြာရည်ထည့်ပြီး အနှံ့မွှေပေးပါနော်။

  6. ပြီးရင် အရသာသွင်းထားတဲ့ ကြက်သားတုံးလေးတွေထည့်ပြီး ရေထည့်ကာ နူးလာသည်အထိ ချက်ပေးပါနော်။

  7. ကြက်သားလေးတွေ နူးလာရင်တော့ အရသာအပေါ့အငန်မြည်းကြည့်ပြီး လိုအပ်ပါက ခနောကြက်သားမှုန့်ထည့်နိုင်ပါတယ်။

  8. အားလုံးပြီးသွားရင်တော့ အနံ့နဲ့တင် ရွှေမျိုးမေ့သွားစေမယ့် စွယ်စုံကြက်သားဟင်းလေး ရပြီဖြစ်ပါတယ်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent