တစ်ချက်ခုတ် နှစ်ချက်ပြတ် ကြက်သားငါးဆုပ်ချက်

တစ်ချက်ခုတ် နှစ်ချက်ပြတ် ကြက်သားငါးဆုပ်ချက်

45 မိနစ်

3 ဦးစာ

အလယ်အလတ်

ငါးမကြိုက်လို့ ငါးဆုပ်မစားဖြစ်သူတွေအတွက် ကြက်သားကို ငါးဆုပ်လေးလို ကြော်စားကြည့်ရအောင်။ ကြက်သားကြိတ်သားလေးကို ငါးဖယ်လေးနဲ့ အရသာရှိအောင် ချက်ထားတာမို့ ခံတွင်းမြိန်စေမယ့် ဟင်းလေးတစ်မျိုးပါပဲနော်...

ပါဝင်ပစ္စည်းများ

  • ကြက်ကြိတ်သား ၃၀ ကျပ်သား
  • ကြက်ဥ ၁ လုံး
  • ဆော်တာမှုန့် လက်ဖက်စားဇွန်း ၁ ဇွန်း
  • ဂျုံမှုန့် လက်ဖက်စားဇွန်း ၃ ဇွန်း
  • ကြက်သွန်ဖြူ ၁ မွှာ
  • ချင်း လက်တဆစ်
  • ထောပတ်ဆီ လက်ဖက်စားဇွန်း ၂ ဇွန်း
  • ဆား လက်ဖက်စားဇွန်း ၁ ဝက်
  • နံနံပင် ၅ ပင်
  • ခနောကြက်သားမှုန့် ထမင်းစားဇွန်း ၁ ဝက်
  • ဆီ ထမင်းစားဇွန်း ၂ ဇွန်း
  • ငံပြာရည် လက်ဖက်စားဇွန်း ၁ ဇွန်း
  • အနီရောင်ဟင်းချက်အနှစ် ထမင်းစားဇွန်း ၂ ဇွန်း

ချက်ပြုတ်ပြင်ဆင်ပုံ

  1. ဇလုံးကြီးကြီးတစ်လုံးထဲမှာ ကြိတ်ထားသောကြက်သား၊ ကြက်ဥ၊ ဆော်တာမှုန့်၊ ဂျုံမှုန့်၊ ထောင်းထားသော ကြက်သွန်ဖြူနဲ့ ချင်း၊ ထောပတ်ဆီ၊ ဆား၊ နံနံပင် (၂)ပင်၊ ခနောကြက်သားမှုန့်တို့ထည့်ပြီး နယ်ပါ။

  2. ကြက်သားငါးဆုပ်ပြားလေးတွေ တစ်ခုနဲ့တစ်ခု မကပ်သွားဖို့အတွက် ဆီလေးသုပ်ပြီး ပန်းကန်ပြန့်ပြန့်လေးပေါ်တင်ထားပါ။

  3. ပြီးရင်တော့ ကြက်သားငါးဆုပ်ပြားလေးတွေကို ဆီများများနဲ့ ရွှေရောင်သန်းလာသည်အထိ ကြော်ကာ စစ်ထားပေးပါ။

  4. နောက်ဒယ်အိုးတစ်လုံးထဲမှာတော့ အနီရောင်ဟင်းချက်အနှစ်၊ ငံပြာရည်ထည့်ပြီး ဆီသတ်ပါ။

  5. ဆီသတ်နံ့လေးမွှေလားရင်တော့ စောနကကြော်ထားတဲ့ အသားပြားလေးတွေ ထည့်ပြီး ရေအနည်းငယ်ထည့်ကာ အဖုံးအုပ်ချက်ပေးပါနော်။

  6. ဟင်းရည်လေးလည်းခမ်း ကျက်ခံနီးရင်တော့ အရသာအပေါ့အငန်မြည်းပြီး လိုအပ်ရင် ခနောကြက်သားမှုန့်လေးထည့်ပါ။

  7. အိုးချခါနီးရင်တော့ နံနံပင်လေးအုပ်ပြီး အရသာရှိတဲ့ ကြက်သားငါးဆုပ်ကြော်လေးကို ထမင်းဖြူလေးနဲ့ တွဲဖက်စားနိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent