ဆွေမျိုးမေ့သွားစေမယ့် ကျွဲကောသီးအစပ်သုပ်

အရင်ဦးဆုံး ကျွဲကောသီးလေးတွေကို အခွံခွာပြီး အသားလေးတွေ နွင်ထားပေးပါ။

ကြက်သွန်နီလေးကို ပါးပါးလှီးပြီး မြေပဲလှော်နဲ့ သီဟိုစေ့လေးကို မညက်တညက်ထောင်းထားပေးပါနော်။

စပါးလင်နဲ့ နံနံပင်ကို နုတ်နုတ်စင်းထားပြီး ငရုတ်သီးစိမ်းကိုတော့ ခပ်ကြမ်းကြမ်းလေး လှီးထားပေးပါ။

ဆောစ်လုပ်ဖို့အတွက် ငံပြာရည်၊ ငရုတ်သီးအစိမ်းပုတောင့်၊ သံပုရာရည်၊ နံနံပင်၊ ခနောကြက်သားမှုန့်တို့ရောပြီး သမအောင်မွှေပေးကာ ရေခဲသေတ္တာထဲမှာ ထည့်ထားပါ။

အသုပ်သုပ်ဖို့အတွက် ဇလုံတစ်လုံးထဲမှာ ကျွဲကောသီးနဲ့ လှီးဖြတ်ထားတဲ့ ပါဝင်ပစ္စည်းအားလုံးကိုထည့်ပေးပါ။

သိမ်းထားတဲ့ ဆောစ်လေးထည့်ပြီး အသာသွင်းကာ ဖွဖွလေးနယ်ပေးပါနော်။ အရသာအတွက်လိုအပ်ရင် ခနောကြက်သားမှုန့်လေးထပ်ထည့်နိုင်ပါတယ်။

ပြီးရင်တော့ အရသာရှိပြီး ထမင်းဖြူလေးနဲ့စားလည်းမြိန်စေမယ့် ကျွဲကောသီးအစပ်သုပ်လေးကို အရသာရှိရှိသုံးဆောင်နိုင်ပါပြီ။