ဆန်းပြားပြီး အရသာရှိတဲ့ အစေ့အဆန်နှင့် သခွားသီးအစပ်သုပ်

သခွားသီးလေးတွေကို အစေ့ထုတ်ပါးပါးလှီးထားပြီး သရက်သီးလေးတွေကိုတော့ အမျှင်ခြစ်ထားပေးပါ။

ငရုတ်သီးစိမ်းလေးတွေကို မညက်တညက်ထောင်းထားပြီး နံနံပင်လေးတွေကိုတော့ ခပ်ကြမ်းကြမ်းလှီးထားပေးပါနော်။

ကြက်သွန်နီလေးတွေကို ပါးပါးလှီးထားပြီးတော့ ငံပြာရည်လေးတွေကိုတော့ ကျိုထားပေးပါ။ အစေ့အဆန်လေးတွေကိုတော့ ထောင်းထားပေးပါ။

အသုပ်သုပ်ရန်အတွက် ဖန်ဇလုံ အကြီးထဲကို လှီးထားသော အသီးအရွက် နှင့် အသီးများ အားလုံးထည့်ပါ။ ပြီးမှ အစေ့အဆန့်မှုန့်များဖြူးပါ။

ဆော့စ်ထည့်ပြီး လက်နှင့်နှံ့အောင် ဖွဖွလေး နယ်ပေးပါ။ နယ်ပြီးသွားရင်တော့ အရသာမြည်းကြည့်ပါ။ အပေါ့အငန်သေချာချိန်ကြည့်ပြီး လိုအပ်ရင်‌တော့ ခနောကြက်သားမှုန့်ကို ထပ်ပြီးထည့်လို့ရပါတယ်။

အသုပ်အဆင်သင့်ဖြစ်ရင်တော့ ပန်းကန်တစ်ခုထဲကို အသုပ်ထည့်ပြီး နှမ်းလေးဖြူးကာ စားလို့ရပါပြီ။