ဆန်းပြားပြီး အရသာရှိတဲ့ အစေ့အဆန်နှင့် သခွားသီးအစပ်သုပ်

ဆန်းပြားပြီး အရသာရှိတဲ့ အစေ့အဆန်နှင့် သခွားသီးအစပ်သုပ်

15 မိနစ်

3 ဦးစာ

လွယ်သော

တစ်နေ့တစ်နေ့ အရံဟင်းအတွက် ဘာချက်ရမလဲ ခေါင်းစားနေတဲ့ အိမ်ရှင်မတွေအတွက် အလွယ်တကူဝယ်လို့ရပြီး ချက်ရတာလဲမြန်တဲ့ အစေ့အဆန်နှင့်သခွားသီးအစပ်သုပ် ဟင်းချက်နည်းလေး ပြောပြ‌ပေးသွားပါမယ်နော်။ သခွားသီးလေးကို စပ်စပ်လေးနဲ့ ထိထိမိမိဖြစ်အောင် သုပ်ထားတဲ့အတွက်ကြောင့် လူတိုင်းအကြိုက်တွေ့မှာ အသေအချာပါပဲ။

ပါဝင်ပစ္စည်းများ

  • သခွားသီး ၁ လုံး
  • သရက်သီး ၁ စိတ်
  • ငရုတ်သီးစိမ်း ၇ တောင့်
  • နံနံပင် ၅ ပင်
  • ကြက်သွန်နီ ၁ လုံး
  • ရှာလကာရည် လက်ဖက်ရည်ဇွန်း ၁ ဇွန်း
  • သကြား လက်ဖက်ရည်ဇွန်း ၁ ဇွန်း
  • ငံပြာရည် လက်ဖက်ရည်ဇွန်း ၂ ဇွန်း
  • ခနော်ကြက်သားမှုန့် လက်ဖက်ရည်ဇွန်း ၂ ဇွန်း
  • သီဟိုဠေ့စေ့ ထမင်းစားဇွန်း ၁ ဇွန်း
  • သစ်ချသီးစေ့ ထမင်းစားဇွန်း ၁ ဇွန်း
  • မြေပဲ ထမင်းစားဇွန်း ၁ ဇွန်း
  • ဘန်ဒါစေ့ ထမင်းစားဇွန်း ၁ ဇွန်း
  • ကြက်သွန်ဖြူကြော်ဆီချက် ထမင်းစားဇွန်း ၁ ဇွန်း
  • နမ်းနက် ထမင်းစားဇွန်း ၂ ဇွန်း

ချက်ပြုတ်ပြင်ဆင်ပုံ

  1. သခွားသီးလေးတွေကို အစေ့ထုတ်ပါးပါးလှီးထားပြီး သရက်သီးလေးတွေကိုတော့ အမျှင်ခြစ်ထားပေးပါ။

  2. ငရုတ်သီးစိမ်းလေးတွေကို မညက်တညက်ထောင်းထားပြီး နံနံပင်လေးတွေကိုတော့ ခပ်ကြမ်းကြမ်းလှီးထားပေးပါနော်။

  3. ကြက်သွန်နီလေးတွေကို ပါးပါးလှီးထားပြီးတော့ ငံပြာရည်လေးတွေကိုတော့ ကျိုထားပေးပါ။ အစေ့အဆန်လေးတွေကိုတော့ ထောင်းထားပေးပါ။

  4. အသုပ်သုပ်ရန်အတွက် ဖန်ဇလုံ အကြီးထဲကို လှီးထားသော အသီးအရွက် နှင့် အသီးများ အားလုံးထည့်ပါ။ ပြီးမှ အစေ့အဆန့်မှုန့်များဖြူးပါ။

  5. ဆော့စ်ထည့်ပြီး လက်နှင့်နှံ့အောင် ဖွဖွလေး နယ်ပေးပါ။ နယ်ပြီးသွားရင်တော့ အရသာမြည်းကြည့်ပါ။ အပေါ့အငန်သေချာချိန်ကြည့်ပြီး လိုအပ်ရင်‌တော့ ခနောကြက်သားမှုန့်ကို ထပ်ပြီးထည့်လို့ရပါတယ်။

  6. အသုပ်အဆင်သင့်ဖြစ်ရင်တော့ ပန်းကန်တစ်ခုထဲကို အသုပ်ထည့်ပြီး နှမ်းလေးဖြူးကာ စားလို့ရပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent