ဆန်းဆန်းပြားပြား ကြက်ရင်ဖုံတုံးကြော်နှပ်

ပထမဦးဆုံး ကြက်ရင်ပုံတွေကို အရေခွံတွေခွာပြီး အန်စာတုံးပုံစံ အတုံးလေးတွေ တုံးထားပေးပါ။ ပြီးရင် ခနော်ကြက်သားမှုန့် (လက်ဖက်စားဇွန်း ၂ ဇွန်း) ထည့်ပြီး အရသာသွင်းကာ နယ်ပေးပါ။

ဒယ်အိုးထဲမှာ ဆီ (ထမင်းစားဇွန်း ၂ ဇွန်း)ထည့်ပြီး ကြက်သားတုံးလေးတွေကိုထည့်ကာ အရောင်ရဲလာသည်အထိ ကြော်ပြီးဆယ်ထားပါ။

ကြက်သွန်နီ၊ ကြက်သွန်ဖြူနဲ့ ချင်းတို့ကို ထောင်းထားပါ။

နောက်ဒယ်အိုးတစ်လုံးထဲမှာ ကျန်တဲ့ဆီတွေထည့်ပြီး ဆီဆူလာရင် ထောင်းထားတဲ့ ကြက်သွန်နီ၊ ကြက်သွန်ဖြူ၊ ချင်း၊ နနွင်းမှုန့်တို့ထည့်ပြီး ဆီသတ်ပါ။

ကြက်သွန်တွေ နွမ်းလာပြီဆိုရင်တော့ အရောင်တင်မှုန့်၊ ငံပြာရည်ထည့်ပြီး နှံ့အောင်မွှေပေးပါ။

ပြီးသွားရင်တော့ စောနက ကြော်ထားတဲ့ ကြက်သားတုံးလေးတွေကိုထည့်ပြီး ချက်ပါ။

ကြက်သားထဲ အနှစ်တွေစိမ့်ဝင်သွားအောင် ရေအနည်းငယ်ထည့်ပြီး ၁၀ မိနစ်ခန့်ချက်ပေးပါ။

အချိန်ပြည့်သွားပြီဆိုရင်တော့ အရသာအပေါ့အငန်မြည်းကြည့်ပြီး ဆား၊ ခနော်ကြက်သားမှုန့် လိုအပ်ပါက ထည့်ပါ။

အားလုံးပြီးသွားရင်တော့ စားချင်စဖွယ် ကြက်ရင်ပုံတုံးကြော်လေးကို အရသာရှိစွာ စားသုံးနိုင်ပါပြီ။