စားမြိန်ဖွယ် ငါးကျည်းခြောက်ချဉ်ပေါင်ကြော်

အရင်ဦးဆုံး ငါးကျည်းခြောက်လေးတွေကို ရေဆေးပြီး အသားနွင်ထားပေးပါ။ ချဉ်ပေါင်ရွက်လေးတွေကိုတော့ အရွက်ချွေပြီး သန့်စင်ပေးထားပါ။

ဆီသတ်ဖို့အတွက် ကြက်သွန်ဖြူ၊ ကြက်သွန်နီ၊ ချင်းနဲ့ ငရုတ်သီးခြောက်တွေကို ထောင်းထားပေးပါနော်။

ဒယ်အိုးထဲမှာ ဆီထည့်ပြီး ဆီပူလာတဲ့အခါ ထောင်းထားတဲ့ ငရုတ်သီးအနှစ်လေးတွေကို နနွင်းမှုန့်လေးတွေနဲ့ ဆီသတ်ပေးပါ။

ကြက်သွန်လေးတွေ နွမ်းပြီး ဆီသတ်နံ့လေးလည်း မွှေးလာပြီဆိုရင်တော့ အသားနွာထားတဲ့ ငါးကျည်းခြောက်လေးထည့်ပြီး မျှင်ငါးပိ၊ ငါးငံပြာရည်တို့ ထည့်ချက်ပေးပါ။

ကြော်ထားတဲ့ ငါးကျည်းခြောက်လေးတွေ ကျက်လာရင်တော့ သန့်စင်ထားတဲ့ ချဉ်ပေါင်ရွက်လေးတွေရယ် မျှစ်လေးတွေရယ်ကိုထည့်လိုက်ပါ။

အရသာအတွက် ခနောကြက်သားမှုန့်လေးရယ် အနံ့လေးမွှေးနေဖို့ ငရုတ်ကောင်းမှုန့်လေးတွေပါ ထည့်ကြော်ပေးပါနော်။

ချဉ်ပေါင်ရွက်နဲ့ မျှစ်လေးတွေလည်း ကျက်ပြီး အနံ့လေးလည်းမွှေးလာပြီဆိုရင်တော့ ငရုတ်သီးစိမ်း၊ နံနံပင်လေးအုပ်ပြီး အရသာရှိစွာ သုံးဆောင်နိုင်ပါပြီ။