ငါးပိထမင်းကြော် ကြော်စားကြစို့

ငါးပိထမင်းကြော် ကြော်စားကြစို့

10 မိနစ်

2 ဦးစာ

လွယ်သော

ငါးပိစားရတာလည်းကြိုက် ထမင်းကြော်ကိုလည်းနှစ်ခြိုက်တဲ့သူတွေအတွက် အကောင်းဆုံးရွေးချယ်စရာကတော့ ငါးပိထမင်းကြော်လေးပါပဲနော်။ အတွဲအစပ်မိမိနဲ့လူငယ်တွေကြား ပေါ်ပြူလာဖြစ်လှတဲ့ ငါးပိထမင်းကြော်လေးက အိမ်မှာကိုယ်တိုင်ကြော်စားမယ်ဆိုရင်လည်း လွယ်ကူအဆင်ပြေပါတယ်။ အဓိကပါဝင်ပစ္စည်းဖြစ်တဲ့ ထိုင်းငါးပိကလည်း စူပါမားကက်တွေမှာ အလွယ်တကူဝယ်ယူလို့ရတဲ့အရာမို့ ငါးပိထမင်းကြော်မွှေးမွှေးလေးကို ဘယ်လိုဖန်တီးမလဲဆိုတာ ပြောပြပေးပါမယ်နော်။

ပါဝင်ပစ္စည်းများ

  • ထမင်း ၅၀၀ ဂရမ်
  • ကြက်သား ၂၀ ကျပ်သား (ရေဆေးပြီး အတုံးသေးသေးလေးများလှီးကာ ခနောကြက်သားမှုန့်၊ ပဲငံပြာရည်အနောက်တို့နဲ့နယ်ထားပါ)
  • ပဲငံပြာရည်အနောက် လက်ဖက်ရည်ဇွန်း ၁ ဇွန်း
  • ခနောကြက်သားမှုန့် လက်ဖက်ရည်ဇွန်း ၁ ဇွန်း
  • ကြက်အူချောင်း ၂ ချောင်း (ကြော်ကာ ခပ်စွေစွေလှီးထားပါ)
  • ကြက်ဥ ၂ လုံး ကြက်ဥ ၂ လုံး (ဒယ်အိုးမှာဆီသုတ်ရုံသုတ်ပြီး မွှေကြော်ထားပါ။ အအေးခံကာ အမျှင်လေးများဖြစ်အောင်လှီးထားပါ)
  • ထိုင်းမျှင်ငါးပိ ထမင်းစားဇွန်း ၂ ဇွန်း
  • ဆီ ထမင်းစားဇွန်း ၂ ဇွန်း
  • ရေ ထမင်းစားဇွန်း ၄ ဇွန်း
  • ပဲတောင့်ရှည် ၃ ချောင်း (ရေဆေးပြီး ခပ်စွေစွေလှီးထားပါ)
  • ပုစွန်ခြောက်ကြော် ထမင်းစားဇွန်း ၁ ဇွန်း
  • ငရုတ်သီးစိမ်း ၂ တောင့် (လှီးထားပါ)
  • ကြက်သွန်နီ တစ်ခြမ်း (ပါးပါးလှီးထားပါ)
  • သခွားသီး ၂ ချပ် (ပါးပါးလှီးထားပါ)
  • သရက်သီးစိမ်း ထမင်းစားဇွန်း ၁ ဇွန်း (အမျှင်လေးများရအောင် ခြစ်နဲ့ ခြစ်ထားပြီး)

ချက်ပြုတ်ပြင်ဆင်ပုံ

  1. ပထမဆုံး ထမင်းကြော်မှာထည့်ဖို့အတွက် ကြက်သားလေးတွေနဲ့ပဲသီးကို ကျက်အောင်အရင်ကြော်ထားပေးပါ။ ဒယ်အိုးထဲကို ဆီထည့်ပြီးဆီဆူလာတဲ့အခါ ကြက်သားကိုထည့်ကာ ၃ မိနစ်ခန့်လှိမ့်ကြော်ပေးပါ။ ပြီးရင်ပဲသီးထည့်မွှေပါ။ ၁ မိနစ်ခန့်အကြာ ကြက်သားနဲ့ပဲသီး ကျက်သွားတဲ့အခါဆယ်ထားလိုက်ပါ။

  2. ဒယ်အိုးထဲကို ငါးပိထည့်လိုက်ပြီး ငါးပိကျေအောင်၊ အနံ့မွှေးလာအောင် မွှေပေးပါ။ ပြီးရင်တော့ ရေထည့်ပြီး ပွက်လာအောင်ဆက်မွှေပေးပါ။

  3. ငါးပိမွှေးမွှေးပျစ်ပျစ်လေးရလာပြီဆိုရင် ထမင်းထည့်မွှေပေးလိုက်ပါ။ ပြီးရင်တော့ အသားနဲ့ပဲသီးထည့်မွှေကာ ၁ မိနစ်ခန့်အကြာမှာ မီးပိတ်လိုက်ပါ။

  4. စားချင့်စဖွယ်ပွဲလှလှလေး ပြင်ဆင်ဖို့အတွက် ထမင်းကြော်ကိုပန်းကန်လုံးလေးထဲခူးထည့်ပြီး ပန်းကန်ပြားပေါ်ပြန်မှောက်ချလိုက်ပါ။

  5. ဘေးမှာ ကြက်အူချောင်းကြော်၊ ကြက်ဥကြော်၊ ကြက်သွန်နီ၊ ပုစွန်ခြောက်ကြော်၊ ငရုတ်သီးစိမ်း၊ သခွားသီးနဲ့သရက်သီးမျှင်လေးများ ခြံရံပြီးအားပါးတရ သုံးဆောင်နိုင်ပြီဖြစ်ပါတယ်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent