ငါးပိထမင်းကြော် ကြော်စားကြစို့

ပထမဆုံး ထမင်းကြော်မှာထည့်ဖို့အတွက် ကြက်သားလေးတွေနဲ့ပဲသီးကို ကျက်အောင်အရင်ကြော်ထားပေးပါ။ ဒယ်အိုးထဲကို ဆီထည့်ပြီးဆီဆူလာတဲ့အခါ ကြက်သားကိုထည့်ကာ ၃ မိနစ်ခန့်လှိမ့်ကြော်ပေးပါ။ ပြီးရင်ပဲသီးထည့်မွှေပါ။ ၁ မိနစ်ခန့်အကြာ ကြက်သားနဲ့ပဲသီး ကျက်သွားတဲ့အခါဆယ်ထားလိုက်ပါ။

ဒယ်အိုးထဲကို ငါးပိထည့်လိုက်ပြီး ငါးပိကျေအောင်၊ အနံ့မွှေးလာအောင် မွှေပေးပါ။ ပြီးရင်တော့ ရေထည့်ပြီး ပွက်လာအောင်ဆက်မွှေပေးပါ။

ငါးပိမွှေးမွှေးပျစ်ပျစ်လေးရလာပြီဆိုရင် ထမင်းထည့်မွှေပေးလိုက်ပါ။ ပြီးရင်တော့ အသားနဲ့ပဲသီးထည့်မွှေကာ ၁ မိနစ်ခန့်အကြာမှာ မီးပိတ်လိုက်ပါ။

စားချင့်စဖွယ်ပွဲလှလှလေး ပြင်ဆင်ဖို့အတွက် ထမင်းကြော်ကိုပန်းကန်လုံးလေးထဲခူးထည့်ပြီး ပန်းကန်ပြားပေါ်ပြန်မှောက်ချလိုက်ပါ။

ဘေးမှာ ကြက်အူချောင်းကြော်၊ ကြက်ဥကြော်၊ ကြက်သွန်နီ၊ ပုစွန်ခြောက်ကြော်၊ ငရုတ်သီးစိမ်း၊ သခွားသီးနဲ့သရက်သီးမျှင်လေးများ ခြံရံပြီးအားပါးတရ သုံးဆောင်နိုင်ပြီဖြစ်ပါတယ်။