ငါးနုသန်းရေချိုလေး လွယ်လွယ်ချက်စားမယ်

ငါးနုသန်းရေချိုလေး လွယ်လွယ်ချက်စားမယ်

30 မိနစ်

3 ဦးစာ

အလယ်အလတ်

အသားဟင်းတွေစားရတာ ရိုးနေတဲ့သူတွေအတွက် ချက်ပြုတ်ရလွယ်ကူပြီး အာဟာရလဲ ပြည့်စုံတဲ့ ငါးနုသန်းရေချိုချက်နည်းလေး ပြောပြမယ်နော်။ ငါးနုသန်းဟာ ကယ်လိုရီနည်းတဲ့အပြင် ဗီတာမင် B12, Omega 3, Omega 6 တို့လဲ ပါဝင်တဲ့အတွက်ကြောင့် ကျန်းမာရေးအတွက်လဲ အထူးသင့်လျော်တဲ့ ဟင်းပွဲလေးပဲဖြစ်ပါတယ်

ပါဝင်ပစ္စည်းများ

  • ငါးနုသန်း ၂၅ ကျပ်သား
  • ကြက်သွန်နီ ၂ လုံး
  • ကြက်သွန်ဖြူ ၁၀ တတ်
  • ချင်း ၅ ကျပ်သား
  • စပါးလင် ၂ ပင်
  • ငရုပ်ပွခြောက် ၃ တောင့်
  • ငရုပ်ကောင်းမှုန့် လက်ဖက်ရည်ဇွန်း ၁ ဝက်
  • ခနောကြက်သားမှုန့် လက်ဖက်ရည်ဇွန်း ၂ ဇွန်း
  • နနွင်းမှုန့် လက်ဖက်ရည်ဇွန်း ၁ ဇွန်း
  • ငါးငံပြာရည် ထမင်းစားဇွန်း ၁ ဇွန်း
  • ပဲဆီသန့် ထမင်းစားဇွန်း ၅ ဇွန်း
  • ခရမ်းချဉ်သီး (ကိုင်းသီး) ၁၀ ကျပ်သား
  • နံနံပင် အနည်းငယ်
  • ငရုတ်သီးစိမ်း ၁၀ တောင့်
  • ရေသန့် ဝ.၅ လီတာ

ချက်ပြုတ်ပြင်ဆင်ပုံ

  1. ပထမဆုံး ငါးနုသန်းကို‌ ရေပြောင်အောင်ဆေးပြီး ခနောကြက်သားမှုန့်၊ နနွင်းမှုန့်၊ ငါးငံပြာရည် အနည်းငယ်တို့နဲ့ နယ်ပြီး အရသာဝင်သွားအောင် မိနစ် ၂၀ ခန့် နှပ်ထားပါ။ ဒီနေရာမှာခနောကြက်သားမှုန့်ကို ထည့်နှပ်လိုက်မယ်ဆိုရင်တော့ ငါးနုသန်းရဲ့ အရသာကို ပိုမိုကောင်းမွန်စေပါတယ်။

  2. ခရမ်းချဉ်သီး (ကိုင်းသီး)ကို ကြိတ်စက်ထဲမှာ ထည့်ကြိတ်ပြီး သီးသန့်ပန်းကန်ထဲမှာ ခွဲထည့်ပါ။ နံနံပင်နဲ့ ငရုတ်သီးတို့ကို ရေစိမ်ထားပါ။

  3. ငရုတ်ပွခြောက်၊ ကြက်သွန်ဖြူ၊ ကြက်သွန်နီ၊ ချင်းတို့ကို ကြေညက်အောင်ထောင်းပြီး ငရုတ်သီးအနှစ် ပြုလုပ်ပါ။

  4. ဆီသတ်ရန် ဒယ်အိုးတွင် ပဲဆီသန့်ကို အပူပေးပြီး ဒယ်အိုးပူလာရင် နံနံပင်အရိုး၊ နနွင်းမှုန့်၊ စပါးလင်နဲ့ ငရုတ်သီးအနှစ် တို့ကို ရောမွှေပြီး ငရုတ်သီးအနှစ်ချက်ပါ။

  5. ငရုတ်သီးအနှစ်ကျက်ရင်တော့ အသင့်ကြိတ်ထားတဲ့ ခရမ်းချဉ်သီး အနှစ်ထည့်ပြီး မွှေပါ။ ဆီပြန်လာရင် အသင့်နှပ်ထားတဲ့ ငါးနုသန်းလေးတွေကိုထည့်ပါ။

  6. ငါးနုသန်း အနည်းငယ်ဆီပြန်လာရင် ရေအနည်းငယ်ရောပါ။ ဟင်းပွဲအရသာကို ပိုမိုပေါ်လွင်စေဖို့အတွက် ခနောကြက်သားမှုန့်၊ ငရုတ်ကောင်းမှုန့်တို့ကို လိုသလိုထည့်ပြီး ကျက်သည်အထိ ချက်ပေးပါ။

  7. ဟင်းကျက်ရင် ဟင်းပွဲအား ပြည့်စုံသော အနံ့ဖြစ်စေဖို့ အသင့်သန့်စင်ထားသော ငရုတ်သီးစိမ်းနဲ့ နံနံပင်အုပ်ပါ။

  8. ပီးရင်တော့ အနံ့အရသာနှင့် ပြည့်စုံတဲ့ ငါးနုသန်းရေချို ဟင်းပွဲလေးကို အသင့်ပြင်ထားသော ပန်းကန်ထဲသို့ ပြောင်းထည့်ပြီး ထမင်းပူပူလေးနဲ့ မြိန်ရည်ယှက်ရည် သုံးဆောင်နိုင်ပါပြီ။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent