ငါးခူစဥ်းကော

ငါးခူစဥ်းကော

10 မိနစ်

3 ဦးစာ

အလယ်အလတ်

ငါးကြိုက်ပေမယ့် ငါးအရိုးစူးမှာကြောက်တတ်သူတွေအတွက် အကောင်းဆုံးဟင်းတစ်ခွက်ကတော့ ငါးခူစဉ်းကောပါပဲ။ ငါးခူစဉ်းကောဟင်းလေးက ချက်ပြုတ်ချိန်မကြာပေမယ့် ငါးခူအသားနွှာတဲ့နေရာမှာတော့ အကိုင်အတွယ်ကျွမ်းကျင်ဖို့နဲ့ ဓားကောင်းဖို့လိုအပ်ပါတယ်။ အရသာချိုလှတဲ့ငါးခူကို အသားချည်းပဲနွှာပြီး မွှေးမွှေးလေးချက်ထားတာမို့ ထမင်းမြိန်စေမှာ အသေအချာပဲဖြစ်ပါတယ်။

ပါဝင်ပစ္စည်းများ

  • ငါးခူ ၃၀ ကျပ်သား (ငါးခူကိုရေ၊မန်ကျည်းမှည့်နဲ့ အချွဲကုန်အောင်ဆေးပြီး အသားနွှွာပါ။ အသားနွှာတဲ့အခါ အမြီးနားကနေစပြီး ဓားထက်ထက်နဲ့နွှာပေးပါ) (အသားတွေကို အနေတော်တုံးပြီး ခနောကြက်သားမှုန့်၊ နနွင်းနဲ့နယ်ပေးပါ)
  • ကြက်သွန်နီ ၂ လုံး (ညက်အောင် ထောင်းထားပါ)
  • ကြက်သွန်ဖြူ ၃ မြွှာ (ထောင်းထားပါ)
  • ခရမ်းချဥ်သီးအကြီး ၁ လုံး (လှီးထားပါ)
  • ဆီ ထမင်းစားဇွန်း ၅ ဇွန်း
  • နနွင်းမှုန့် လက်ဖက်ရည်ဇွန်း ၂ ဇွန်း (တစ်ဝက်ကိုအသားနယ်ရန်)
  • ငရုတ်သီးအရောင်တင်မှုန့် လက်ဖက်ရည်ဇွန်း ၂ ဇွန်း
  • ခနောကြက်သားမှုန့် ထမင်းစားဇွန်း ၁ ဇွန်း (တစ်ဝက်ကိုငါးနယ်ရန်)
  • ငါးငံပြာရည် လက်ဖက်ရည်ဇွန်း ၂ ဇွန်း
  • မန်ကျည်းမှည့် အနည်းငယ် (ငါးဆေးရန်)
  • ရေ ၁၀၀ မီလီမီတာ

ချက်ပြုတ်ပြင်ဆင်ပုံ

  1. အိုးထဲကို ဆီထည့်ပါ။ ဆီဆူလာတဲ့အခါ ကြက်သွန်ဖြူ၊ ကြက်သွန်နီထည့်မွှေပါ။

  2. ကြက်သွန်နည်းနည်းနွမ်းတဲ့အခါ နနွင်းနဲ့ငရုတ်သီးမှုန့်ထည့်ကာ အရောင်လေးလှလာအောင်ဆီသတ်ပါ။ ပြီးရင်တော့ ခရမ်းချဉ်သီးထည့်ပါ။

  3. ခရမ်းချဉ်သီးလေးလိပ်လာချိန်မှာ ငံပြာရည်လေးထည့်မွှေပေးပါ။ ပြီးရင်တော့ လှီးထားတဲ့ငါးခူလေးတွေထည့်ပေးပါ။

  4. အသားနဲ့ခရမ်းချဉ်သီး သေသေချာချာသမသွားအောင်မွှေပြီးချိန်မှာရေထည့်ပါ။

  5. ခနောကြက်သားမှုန့်ထည့်မွှေကာ အဖုံးအုပ်ထားပါ။ဟင်းအိုးရေခန်းပြီး ဆီပြန်လာပြီဆိုရင်တော့ မွှေးပျံ့အရသာရှိလှတဲ့ ငါးခူစဉ်းကောတစ်ခွက်ကို ရရှိပြီဖြစ်ပါတယ်။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent