ငါးကျည်းခြောက်နံ့မွှေးမွှေးလေးနဲ့ ခရမ်းသီးနှပ်

ငါးကျည်းခြောက်နံ့မွှေးမွှေးလေးနဲ့ ခရမ်းသီးနှပ်

30 မိနစ်

3 ဦးစာ

အလယ်အလတ်

ဒီတစ်ခေါက်မှာတော့ ဟင်းလျာစမ်းစမ်းလေးတွေ ချက်စားချင်တဲ့ အိမ်ရှင်မတွေအတွက် ခရမ်းသီးလေးကို ငါးကျည်းခြောက်လေးနဲ့ နှပ်နည်းလေးကို ပြောပြပေးသွားမှာပါ။ ခရမ်းသီးကို မီးဖုတ်ထားလို့ မွှေးတဲ့အနံ့လေးရယ်၊ ငါးကျည်းခြောက်ရဲ့ အမွှေးနံ့လေးရယ်ကြောင့် အရမ်းကို ထမင်းစားမြိန်စေမှာနော်...

ပါဝင်ပစ္စည်းများ

  • ခရမ်းသီး ၁၀ ကျပ်သား
  • ငါးကျည်းခြောက် ၁၀ ကျပ်သား
  • ကြက်သွန်ဖြူ ၅ တတ်
  • ကြက်သွန်နီ ၁ လုံး
  • ချင်း အနည်းငယ်
  • နနွင်းမှုန့် လက်ဖက်စားဇွန်း ၁ ဝက်
  • ခနောကြက်သားမှုန့် လက်ဖက်စားဇွန်း ၁ ဇွန်း
  • ဆီ ထမင်းစားဇွန်း ၂ ဇွန်း
  • ရေသန့် ဝ.၅ လီတာ
  • ငရုတ်ပွခြောက် ၃ တောင့်
  • ငါးငံပြာရည် လက်ဖက်စားဇွန်း ၁ ဇွန်း
  • ငရုတ်ကောင်းမှုန့် အနည်းငယ်
  • ငရုတ်သီးစိမ်း ၅ တောင့်
  • ရှမ်းငရုတ်နီ ၁ တောင့်
  • နံနံပင် အနည်းငယ်

ချက်ပြုတ်ပြင်ဆင်ပုံ

  1. အရင်ဦးဆုံး ခရမ်းသီးကို မီးကင်ပြီး အခွံနွာကာ နူတ်နူတ်စင်းထားပါ။

  2. ငရုတ်ပွခြောက်၊ ချင်း၊ ကြက်သွန်ဖြူ၊ ကြက်သွန်နီတို့ကို ဆီသတ်ဖို့အတွက် ထောင်းထားပါ။

  3. ငါးကျည်းခြောက်ကို ရေစိမ်ပြီး အရိုးထုတ်ကာ ထောင်းထားပါ၊ ရှမ်းငရုတ်နီကို ပါးပါးလှီးပြီး ငရုတ်သီးစိမ်း၊ နံနံပင်တို့နဲ့အတူ ရေစိမ်ထားပါ။

  4. ဒယ်အိုးထဲမှာ ဆီထည့်ပြီး ဆီပူလာတဲ့အခါ ထောင်းထားတဲ့ ကြက်သွန်အနှစ်ထည့်ပြီး ဆီသတ်ပေးပါ။

  5. ကြက်သွန်လေးတွေ နွမ်းလာရင်တော့ ထောင်းထားတဲ့ ခရမ်းသီး၊ ငါးကျည်းခြောက်၊ ငါးငံပြာရည်၊ ခနောကြက်သားမှုန့်၊ ငရုတ်ကောင်းမှုန့်၊ နံနံပင်နဲ့ ရေအနည်းငယ်တို့ထည့်ကာ အဖုံးအုပ်ထားပါ။

  6. ဟင်းနံ့လေးမွှေးပြီး ရေလေးခမ်းလာရင်တော့ ရေစိမ်ထားတဲ့ ရှမ်းငရုတ်နီ၊ ငရုတ်သီးစိမ်း၊ နံနံပင်တို့အုပ်ပြီး အရသာရှိစွာ သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent