ခြံထွက်အသီးအရွက်တွေကို အသဲအမြစ်နဲ့ကြော်စားကြမယ်

ခြံထွက်အသီးအရွက်တွေကို အသဲအမြစ်နဲ့ကြော်စားကြမယ်

20 မိနစ်

3 ဦးစာ

အလယ်အလတ်

ဒီတစ်ခေါက်မှာတော့ ကလေး၊ လူကြီး အားလုံး အကြိုက်တွေ့စေမယ့် ကြက်အသဲအမြစ်လေးကို အသီးအရွက်တွေနဲ့ မြိုင်မြိုင်ဆိုင်ဆိုင် ကြော်စားကြည့်ရအောင်။ နာမည်လေးအတိုင်း ခြံထဲမှာ အလွယ်တကူစိုက်လို့ရတဲ့ အသီးအရွက်လေးတွေနဲ့မို့ အိမ်မှာအလွယ်တကူကြော်စားနိုင်မယ့် ဟင်းလျာလေးတစ်ခွက်ပဲ ဖြစ်ပါတယ်။

ပါဝင်ပစ္စည်းများ

  • ကြက်အသဲအမြစ် ၃၀ ကျပ်သား
  • ဂေါ်ဖီ ၁ စိတ်
  • မုန်လာဥနီ ၁ ဥ
  • ပဲသီးရှည် ၅ ချောင်း
  • ငရုတ်သီးစိမ်း ၆ တောင့်
  • မှို ၁၀ ကျပ်သား
  • မက်ခါသီး လက်ဖက်စားဇွန်း ၁ ဝက်
  • ခနောကြက်သားမှုန့် လက်ဖက်စားဇွန်း ၃ ဇွန်း
  • ကြက်သွန်ဖြူ ၃ မွှာ
  • ဆီ ထမင်းစားဇွန်း ၂ ဇွန်း
  • ငံပြာရည် လက်ဖက်စားဇွန်း ၁ ဇွန်း
  • ငရုတ်ကောင်းမှုန့် လက်ဖက်စားဇွန်း ၁ ဝက်
  • ကြက်ပြုတ်ရည် ထမင်းစားဇွန်း ၃ ဇွန်း

ချက်ပြုတ်ပြင်ဆင်ပုံ

  1. အရင်ဦးဆုံး ကြက်အသဲအမြစ်လေးတွေကို ခနောကြက်သားမှုန့် ၁ ဇွန်းခွဲနဲ့ နယ်ကာ ပြုတ်ထားပြီး အတုံးလေးတွေ တုံးထားပေးပါ။

  2. မုန်လာဥနီ၊ မုန်လာဥ၊ ပဲသီးရှည်၊ ဂေါ်ဖီ၊ မှိုလေးတွေကိုတော့ နှစ်သက်သလို လှီးဖြတ်ထားပေးပါနော်။

  3. မက်ခါသီးလေးတွေကိုတော့ ထောင်းထားပြီး ငရုတ်သီးစိမ်းလေးတွေကိုတော့ ထိပ်လေးတွေ ခွဲထားပေးရပါမယ်။

  4. အကြော်စကြော်ဖို့အတွက် ဒယ်အိုးတစ်လုံးထဲမှာ ဆီထည့်ပြီး ဆီပူလာတဲ့အခါ ကြက်သွန်ဖြူ၊ မုန်လာဥနဲ့ ကြက်အသည်းအမြစ်တွေထည့်ပြီး (၈)မိနစ်ခန့် ကြော်ပေးပါနော်။

  5. ပြီးရင်တော့ ကျန်အသီးအရွက်တွေထည့်ပြီး အားလုံးနှံ့အောင် မွှေကာထည့်ကြော်ပေးပါ။ ကျန်ပါဝင်ပစ္စည်းများကို တစ်ခုချင်းဆီထည့်ကာ အရသာသွင်းပေးပါ။

  6. အသီးအရွက်လေးတွေ နူးလာပြီဆိုရင်တော့ အရသာအပေါ့အငန်မြည်းကြည့်ပြီး လိုအပ်ရင် ခနောကြက်သားမှုန့် ထည့်နိုင်ပါတယ်။

  7. အားလုံးပြင်ဆင်ပြီးသွားရင်တော့ အရသာရှိလှတဲ့ ခြံထွက်အသီးအရွက်များနဲ့ ကြက်အသဲအမြစ်လေးကို အရသာရှိစွာ သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent