ချိုအေးမွှေး အုန်းနို့ သီးနှံစုံ ဆန်ပြုတ်လေး

ချိုအေးမွှေး အုန်းနို့ သီးနှံစုံ ဆန်ပြုတ်လေး

15 မိနစ်

1 ဦးစာ

လွယ်သော

အာဟာရပြည့် အရသာရှိပြီး သားသားမီးမီးတို့ရော၊ ဘိုးဘိုးဘွားဘွားတို့ပါ ကြိုက်နှစ်သက်မယ့် အုန်းနို့ သီးနှံစုံ ဆန်ပြုတ် လုပ်နည်းလေး ပြောပြပေးမယ်နော်။ လုပ်ရတာလည်း လွယ်ပြီး၊ အသီးအနှံစုံနဲ့ ချိုချိုမွှေးမွှေးအေးအေးလေး စားရတာမို့ နွေရာသီနဲ့ လိုက်ဖက်ပြီး မိသားစု အာဟာရဖြစ်စေမယ့် အုန်းနို့ သီးနှံစုံ ဆန်ပြုတ်လေးကို ခနောဆန်ပြုတ်ထုပ်လေးနဲ့ လုပ်ကြည့်ရအောင်။

ပါဝင်ပစ္စည်းများ

  • ခနောဆန်ပြုတ် ၁ ထုပ်
  • ရေ ၂၅၀ မီလီလီတာ
  • နွားနို့ ခွက် တဝက်
  • အုန်းနို့ခရင်မ် ထမင်းစားဇွန်း ၁ ဇွန်းနဲ့ တဝက်
  • သကြား လက်ဖက်ရည်ဇွန်း ၃ ဇွန်း
  • စတော်ဘယ်ရီသီး ၁ လုံး
  • ပန်းသီး ၁ လုံး
  • ပဲစိမ်းကြော် အနည်းငယ်
  • သီဟိုဠ်စေ့ အနည်းငယ်
  • ငှက်ပျောသီး ၁ လုံး

ချက်ပြုတ်ပြင်ဆင်ပုံ

  1. အိုးထဲမှာ ခနောဆန်ပြုတ်မှုန့်ကို ထည့်ပြီး ရေ ၂၅၀ မီလီလီတာထည့်ကာ ပွက်လာတဲ့အထိ တည့်ပါ။

  2. ပွက်လာရင် နွားနို့နဲ့ အုန်းနို့ ခရင်မ်ထည့်ပြီး သေချာမွှေပေးပါ။

  3. ပြီးရင်တော့ အချိုအတွက် သကြားလက်ဖက်ရည်ဇွန်း ၃ ဇွန်းထည့်ပြီး သကြားပျော်ဝင်အောင် သေသေချာချာမွှေပေးပါ။ အချိုကို ကိုယ်ကြိုက်တဲ့ အချိုးအဆလည်း မှန်းထည့်လို့ ရတယ်နော်။

  4. အချိုအရသာ အဆင်ပြေပြီ၊ ဆန်ပြုတ်ရပြီဆိုရင်တော့ အိုးပေါ်မှ ချပြီး မိနစ် ၃၀ လောက် အအေးခံပေးပါ။

  5. ဆန်ပြုတ်အေးသွားပြီဆိုရင် စတော်ဘယ်ရီသီး၊ ပန်းသီး၊ ပဲစိမ်းကြော်၊ သီဟိုဠ်စေ့နဲ့ ငှက်ပျောသီးတို့ကို ကြိုက်နှစ်သက်သလို လှီးထည့်ပြီး သုံးဆောင်နိုင်ပါပြီ။

 
         
 
        
 
       
 
       
 
        
 
         
 
          
သူငယ်ချင်းမိတ်ဆွေများနှင့် မျှဝေလိုက်ပါ
 
         
 
        
 
       
 
       
 
        
 
         
 
           Share to facebook Opens in new window  
         
 
         
 
         
 
          
AddThis is disabled because of cookie consent