ချိုမွှေးအိစက် အရသာထူးတဲ့ အုန်းထမင်းနဲ့ ကြက်သားဟင်း

1. ဆန်ကိုသေသေချာချာဆေးကြောပြီး ပေါင်းအိုးထဲထည့်ကာ ဆီ၊ သကြား၊ ကြက်သွန်နီ၊ အုန်းနို့တို့ ထည့်ကာသမအောင်နယ်ပါ။ ရေကို နို့ဆီဘူး ၃ ဘူးခန့်ထည့်ကာ ခလုတ်ဖွင့်ပြီးတည်ထားပေးပါ။

2. ထမင်းအိုးပွက်ချိန်မှာ ကြက်သွန်လေးတွေ နူးအိအောင် အပေါ်အောက်သမပြီး တစ်ကြိမ် နှစ်ကြိမ်ခန့်မွှေပေးရင် အုန်းထမင်းလေး ရပါပြီ။

ကြက်သားဟင်း

1. ကြက်သားတုံးလေးတွေကို ခနောကြက်သားမှုန့်၊ နနွင်းထည့်ပြီးနယ်ထားပေးပါ။

2. ကြက်သွန်နီ၊ ကြက်သွန်ဖြူ၊ ဂျင်း၊ ငရုတ်သီးအရောင်တင်မှုန့် တို့ကိုငရုတ်ဆုံထဲထည့်ပြီး ညက်နေအောင်ထောင်းပါ။ ကြိတ်စက်နဲ့ကြိတ်လည်းရပါတယ်နော်။

3. ဒယ်အိုးကို မီးမပြင်းတပြင်း(မီးတစ်ဝက်) အနေအထားထားပြီး ဆီထည့်ပါ။ ဆီဆူလာရင် ထောင်းထားတဲ့ကြက်သွန်ဖြူနီအနှစ်ကို ထည့်ကာမွှေးလာအောင် ဆီသတ်ပေးပါ။

4. တစ်မိနစ်လောက် ဆီသတ်ပြီး နယ်ထားတဲ့ကြက်သားတွေကိုထည့်ကာ သမအောင်မွှေပေးပါ။ ပြီးရင် ရေထည့်ပါ။ အဖုံးအုပ်ကာ ၇ မိနစ်ခန့်တည်ပြီးချိန်မှာ ကြက်သားနူး မနူးဆိုတာကိုကြည့်ပြီးလိုအပ်ရင် ရေနည်းနည်းထပ်ထည့်ပေးနိုင်ပါတယ်။

5. ရေခန်းခါနီး ဆီပြန်ခါနီးအချိန်မှာ မဆလာအုပ်ကာ မွှေပေးပါ။ ပြီးရင် အဖုံးဖွင့်ကာ ဆီပြန်အောင်ထားပေးလိုက်ပါ။ ဒါဆိုရင်တော့ မွှေးပျံ့အိစက်ကော့စင်းနေတဲ့ အုန်းထမင်းလေးနဲ့ အရသာရှိလှတဲ့ကြက်သားဟင်းလေးကို ရပါပြီ။