ချဥ်ငန်စပ်တို့ဟူးသုပ်လေးသုပ်စားကြမယ်

ချဥ်ငန်စပ်တို့ဟူးသုပ်လေးသုပ်စားကြမယ်

5 မိနစ်

2 ဦးစာ

လွယ်သော

တို့ဟူးသုပ်တွေကို အထမ်းသည်လေးတွေဆီမှာ၊ အသုပ်ဆိုင်တွေမှာ အလွယ်တကူဝယ်စားနိုင်ပေမယ့်လည်း အိမ်မှာ ကိုယ်တိုင်သုပ်စားလိုက်တော့ သန့်ရှင်းမှုအတွက် ပိုပြီး စိတ်ချရပါတယ်။ ဒါကြောင့် ချဉ်ငန်စပ်တို့ဟူးသုပ်လေးကို လွယ်လွယ်ကူကူသုပ်စားနိုင်မယ့် နည်းလေးကိုမျှဝေပေးလိုက်ပါတယ်။

ပါဝင်ပစ္စည်းများ

  • တို့ဟူး ပန်းကန်လုံးတစ်လုံးစာ (မထူမပါး အတုံးရှည်လေးများလှီးထားပါ)
  • ဂေါ်ဖီထုပ် ပန်းကန်လုံးတစ်ဝက်စာ (ခြစ်ဖြင့်ခြစ်ထားပါ)
  • ကြက်သွန်နီ ၁ လုံး (မထူမပါးလှီးထားပါ)
  • ပဲမှုန့် (အကျက်မှုန့်) ထမင်းစားဇွန်း ၁ ဇွန်း
  • နနွင်းမှုန့် လက်ဖက်ရည်ဇွန်း ၁ ဇွန်း
  • ငါးငံပြာရည် လက်ဖက်ရည်ဇွန်း ၂ ဇွန်း
  • ခနောကြက်သားမှုန့် လက်ဖက်ရည်ဇွန်း ၁ ဇွန်း
  • ခနောချဥ်ပြုံးပြုံးမန်ကျည်းအရသာမှုန့် လက်ဖက်ရည်ဇွန်း တစ်ဝက် (ရေနွေးစားပွဲတင်ဇွန်း ၁ ဇွန်းရောကာဖျော်ထားပါ) (ချဉ်ပြုံးပြုံးမန်ကျည်းအရသာမှုန့် လက်ဖက်ရည်ဇွန်း ၁ ဇွန်းသည် မန်ကျည်းမှည့် ၂ ကျပ်ခွဲသားခန့်နှင့်ညီမျှပါသည်)
  • ဆီ ထမင်းစားဇွန်း ၄ ဇွန်း
  • ရှောက်ရွက် ၄ ရွက် (ပါးပါးလေးလှီးထားပါ)
  • ငရုတ်သီးအလှော်မှုန့် ထမင်းစားဇွန်း သုံးပုံတစ်ပုံ

ချက်ပြုတ်ပြင်ဆင်ပုံ

  1. ဒယ်အိုးထဲကို ဆီထည့်ပြီး ဆီဆူလာချိန်မှာ ကြက်သွန်နီ၊ နနွင်းမှုန့်ထည့်ကာ ဆီချက်ပါ။ ဆီချက်ကို အဖတ်သတ်သတ်ဖယ်ထားပါ။

  2. ဇလုံတစ်လုံးထဲကို တို့ဟူး၊ ဂေါ်ဖီ၊ ငံပြာရည်၊ ခနောကြက်သားမှုန့်၊ မန်ကျည်းရည်၊ ရှောက်ရွက်၊ ဆီချက်စားပွဲတင်ဇွန်း ၂ ဇွန်း၊ ပဲမှုန့်၊ ငရုတ်သီးမှုန့်တို့ထည့်ကာ နယ်ပါ။

  3. သမသွားတဲ့အချိန်မှာ အပေါ်က ကြက်သွန်နီဆီချက်ဖတ်လေးတွေ ဖြူးပေးလိုက်ပါ။

  4. ထမင်းကြမ်းနဲ့ပဲစားစား၊ ရေနွေးကြမ်းသောက်ရင်းပဲစားစား စားလို့ကောင်းလှတဲ့ ချဉ်ငန်စပ်တို့ဟူးသုပ်လေးကို အိမ်မှာသုပ်စားကြည့်ပါဦးနော်။

 
         

သူငယ်ချင်းမိတ်ဆွေများနှင့် မျှဝေလိုက်ပါ

AddThis is disabled because of cookie consent