ချင်းနံ့မွှေးမွှေးလေးနဲ့ ချင်းအသီးအရွက်ကြော်

အရင်ဦးဆုံး ချင်းကို အခွံခွာရေဆေးပြီး အချောင်းလိုက်လေးလှီးထားပေးပါနော်။

ကြက်သွန်မြိတ်လေးတွေကို အနေတော်ဖြတ်ထားပြီး ပြောင်းဖူးအသေးလေးတွေကိုတော့ ထပ်ခြမ်းပိုင်းထားပေးပါ။

ဂေါ်ဖီလေးတွေကို နှစ်သက်သလို လှီးဖြတ်ထားပြီး ပဲပင်ပေါက်လေးတွေကိုတော့ သန့်စင်ထားပေးပါ။

ငရုတ်ပွနီသီးလေးတွေကိုတော့ အရှည်လိုက် လှီးထားပေးပါနော်။

ဒယ်အိုးထဲမှာ ဆီထည့်ပြီး ဆီပူလာရင် ချင်းလေးတွေထည့်ပြီး ၁ မိနစ်ခန့် မွှေးလာအောင် ကြော်ပေးပါ။

ချင်းဆီသတ်နံ့လေး မွှေးလာပြီဆိုရင်တော့ ဂေါ်ဖီ၊ ပြောင်းဖူးထည့်ပြီး ၂ မိနစ်ခန့်လောက် ကြော်ပါ။

ပြီးရင်တော့ ကြက်သွန်မြိတ်၊ ငရုတ်ပွနီလေးတွေနဲ့ ပဲပင်ပေါက်လေးတွေအပြင် ကျန်ပါဝင်ပစ္စည်းအားလုံးကို ထည့်ကြော်ပေးပါနော်။

အရသာအပေါ့အငန်မြည်းကြည့်ပြီး လိုအပ်ရင် ခနောအရသာမှုန့်လေးထည့်ပြီး အိုးကချလို့ရပါပြီ။

ပြီးရင်တော့ ချင်းနံ့လေးမွှေးပြီး အရသာရှိတဲ့ အသီးအရွက်ကြော်လေးကို နှစ်သက်သလို သုံးဆောင်နိုင်ပါပြီ။